ماڭعىستاۋ وبلىسىنىڭ جەدەل جاردەم قىزمەتى جاڭا 3 اۆتوكولىكپەن تولىقتى. جەدەل جاردەم قىزمەتىنە بەرىلگەن زاماناۋي كولىكتەر گاز اۆتوموبيلدەرى بازاسىندا قۇراستىرىلعان جانە ۆ كاتەگورياسىنا سايكەس كەلەدى. جاڭا تەحنولوگيالىق قۇرال جابدىقپەن قامتاماسىز ەتىلگەن بۇل اتۆوموبيلدەرگە سۇرانىس جوعارى. ەۆرو-5 ەكولوگيالىق ستاندارتىنا ساي، بارلىق قاۋىپسىزدىك جۇيەلەرىمەن قامتىلعان.

ماڭعىستاۋ وبلىسى جەدەل جانە شۇعىل جاردەم ستانسياسىنا تابىستالعان سوبول، Next ي بيزنەس 4ح4 تولىق جەتەكتى گازەل اۆتوموبيلدەرى «سەماز» ج ش س بازاسىندا جينالعان. «ۆيراج»  كومپانيالار توبى قۇرامىنا كىرەدى جانە جەدەل مەديسينالىق كومەك اۆتوموبيلدەرىنە قويىلاتىن زاماناۋي تالاپتارعا ساي كەلەدى.

تەمىر تۇلپارلار ازىرگە اقتاۋ قالاسىنداعى شاقىرتۋلارعا بارادى، سەبەبى «103» قىزمەتىنە تۇسەتىن نەگىزگى شاقىرۋلار وبلىس ورتالىعىندا كوپ بولىپ تۇر.

بۇگىن «NCOC» كومپانياسىنىڭ وكىلدەرى اقتاۋداعى «ۆيراج» اۆتوسالونىندا 3 اۆتوكولىكتىڭ كىلتىن اق حالاتتى ابزال جاندارعا تابىس ەتتى. بۇل ماسەلەنىڭ وڭ شەشىلۋىنە ماڭعىستاۋ وبلىسى اكىمدىگى ىقپال ەتكەن. الداعى ۋاقىتتا تاعى دا جاڭا كولىكتەر بەرىلەدى دەپ كۇتىلۋدە. ول ءۇشىن ينۆەستورلارمەن كەلىسسوزدەر جۇرگىزىلەدى جانە جەرگىلىكتى بيۋدجەتتەن قوسىمشا قاراجات قاراستىرىلماق.

ماڭعىستاۋ وبلىسى جەدەل جانە شۇعىل جاردەم ستانسياسى ديرەكتورىنىڭ مىندەتىن اتقارۋشى جايناگۇل ءىلياسوۆانىڭ ايتۋىنشا، قازىرگى ۋاقىتتا وبلىس بويىنشا تاۋلىك بويى كەزەكشىلىككە 46 جەدەل جاردەم بريگاداسى جۇمىلدىرىلعان. 

«Covid-19» ۆيرۋسىمەن كۇرەس كەزىندە جەدەل جاردەم قىزمەتى الدىڭعى قاتاردا جۇرەدى. ال اۆتوپاركتى جاڭارتۋ ماسەلە قاشاندا وزەكتى. 700.000-مىڭعا جۋىق تۇرعىنى بار ماڭعىستاۋ وڭىرىندە نەگىزىنەن 70 كولىك بولۋى ءتيىس. بۇيىرسا بۇل ماسەلە كوپ كۇتتىرمەي شەشىمىن تابادى دەپ سەنەمىز. وبلىس اكىمدىگىنە جانە NCOC كومپانياسىنا العىسىمىز شەكسىز»، - دەيدى ول.

وسىلايشا NCOC كومپانياسى ءوزىنىڭ وندىرىستىك قىزمەتى جۇزەگە اسىرىلىپ جاتقان وڭىرلەردەگى جەرگىلىكتى قوعامداستىققا COVID-19 ىندەتىمەن كۇرەسۋگە كومەك كورسەتۋدى جالعاستىرۋدا.

جاقىن ارادا NCOC ماڭعىستاۋ وبلىسىنىڭ مەديسينالىق مەكەمەلەرىن اسا قاجەت ومىرلىك ماڭىزى بار بىرنەشە جابدىقتارمەن، سونىڭ ىشىندە وكپەنى جاساندى جەلدەتەتىن زاماناۋي قۇرىلعىلارمەن، كوپ فۋنكسيالى كەرەۋەتتەرمەن، دەفيبريللياتورلارمەن، سونىمەن قاتار دەزينفەكسيالاۋ قۇرالدارىمەن جانە مەديسينالىق پەرسونالعا ارنالعان جەكە قورعانۋ قۇرالدارىمەن قامتاماسىز ەتپەك.

NCOC كومپانياسى وتكەن اپتادا اتىراۋ وبلىسىنىڭ دەنساۋلىق ساقتاۋ جۇيەسىنە قاجەتتى مەديسينالىق جابدىقتار جەتكىزۋ جۇمىسىن باستاپ كەتتى. NCOC جۇمىس جاساپ كەلە جاتقان كوپ جىلدار ىشىندە اتىراۋ جانە ماڭعىستاۋ وبلىستارىنداعى جەرگىلىكتى جۇرتشىلىقتىڭ اجىراماس بولىگى بولا ءبىلدى جانە كومپانيا ءۇشىن قولىنان كەلگەنشە كومەك كورسەتۋ وسىنداي كۇردەلى كەزەڭدە وتە ماڭىزدى بولىپ تابىلادى.

ايتا كەتۋ كەرەك، وبلىس اكىمدىگى تاراپىنان دەنساۋلىق ساقتاۋ سالاسىنا قوماقتى قاراجات بولىنۋدە. ماتەريالدىق-تەحنيكالىق بازانى جاڭارتۋدان بولەك، كوروناۆيرۋسپەن كۇرەس جۇرگىزىپ جاتقان اق حالاتتىلارعا 13 تەپلوۆيزور جانە 1000-عا تارتا قورعانىش كوستيۋمدەرى مەن ارنايى حالاتتار باسقا دەمەۋشىلەردىڭ ەسەبىنەن ساتىپ الىندى.