بۇل تۋرالى ماڭعىستاۋ وبلىسىنىڭ قوعامدىق كوممۋنيكاسيا ورتالىعىندا وتكەن بريفينگتە  وبلىستىق «اتامەكەن» كاسىپكەرلەر پالاتاسى ءبولىمىنىڭ باسشىسى اسحات بايبۋلاتوۆ  ءمالىم ەتتى.

بۇگىنگى كۇنى ماڭعىستاۋ وبلىسىنىڭ كاسىپكەرلەر پالاتاسىنا بيزنەس سۋبەكتىلەرىنەن 500-دەن اسا ساۋال كەلىپ تۇسكەن.

توتەنشە جاعداي جاريالانعان كەزدە كاسىپكەرلەردىڭ ساۋالدارىنىڭ باسىم كوپشىلىگى عيماراتتاردى كاسىپكەرلىك باعىتتا جالعا الۋ كەزىندەگى اي سايىنعى اقىسىن تومەندەتۋ، سالىق ماسەلەلەرى، نەسيەلەردىڭ، كوممۋنالدىق قىزمەتتەردىڭ تولەماقىسىن كەيىنگە شەگەرۋ جانە الەۋمەتتىك كومەك الۋ تۋرالى ماسەلەلەر. وبلىسىمىزدا كارانتين جاريالانۋ تۋرالى قاۋلى قابىلدانعان كۇننەن باستاپ قالا، اۋدانارالىق قويىلعان بلوك پوستاردان كىرىپ-شىعۋ، ازىق-تۇلىك ەمەس قىزمەت تۇرلەرىنە رۇقسات بەرۋ، ەگىن - مال شارۋالارىنىڭ ءوز شارۋاشىلىقتارىنا بارىپ كەلۋ، فورس-موجور كۋالىگىن الۋ جانە تاعى باسقا دا سۇراقتارى كوبەيگەن.

بيزنەس سۋبەكتىلەرىنەن كەلىپ تۇسكەن ارىزدار جەكە-جەكە قارالىپ، كاسىپكەرلەر پالاتاسىنىڭ تىكەلەي ارالاسۋىمەن ولاردىڭ باسىم كوپشىلىگى وڭ شەشىمدەرىن تاۋىپ، قالعاندارىنا قۇقىقتىق تۇسىندىرمەلەر بەرىلگەن.       

- ەندى جىل باسىنان بەرگى دەرەككە توقتالاتىن بولساق، توتەنشە جاعدايعا دەيىن كاسىپكەرلەر پالاتاسىنا 79 ءوتىنىش كەلىپ ءتۇستى، ونىڭ ىشىندە:

- كاسىپكەرلەردىڭ قۇقىقتارىن قورعاۋ سالاسى بويىنشا 21 ءوتىنىش.

- ءتۇرلى باعىتتار بويىنشا 58 ءوتىنىش (ءتۇسىندىرۋ).

21 ءوتىنىش بويىنشا  كاسىپكەرلەردىڭ قۇقىقتارىن قورعاۋ جەلىسى بويىنشا 11ء-ى وڭ شەشىلدى (52،38%). كاسىپكەرلەر ءجيى جۇگىنەتىن ماسەلەلەر: جەر، ساتىپ الۋلار، كاسىپكەرلەر اراسىنداعى ازاماتتىق-قۇقىقتىق داۋلار، اكىمشىلىك كەدەرگىلەر، لوگيستيكا، ليسەنزيالاۋ/رۇقسات بەرۋ، بيزنەستى سەرۆيستىك قولداۋوتىنىشتەر سانىنىڭ ازايۋى وبلىستىڭ كوپتەگەن كاسىپكەرلەرى توتەنشە جاعدايعا بايلانىستى ءوز قىزمەتىن ۋاقىتشا توقتاتتى - ، دەدى وبلىستىق «اتامەكەن» كاسىپكەرلەر پالاتاسىنىڭ ءبولىم باسشىسى اسحات بايبۋلاتوۆ.

ماڭعىستاۋ وبلىسىنىڭ كاسىپكەرلىك سۋبەكتىلەرى كارانتين كەزىندەگى جۇمىس ءتارتىبى بىلاي:

ماڭعىستاۋ وبلىسىنىڭ باس مەملەكەتتىك سانيتارلىق دارىگەرىنىڭ قاۋلىسىمەن وبلىس اۋماعىندا كارانتين شارالارى ەنگىزىلدى. سول سەبەپتى ازىق-تۇلىكتەن باسقا تاۋارلاردى ساتۋ نىساندارى ءوز قىزمەتىن توقتاتتى. بارلىق ازىق-تۇلىك ەمەس ساۋدا ورتالىقتارى، دۇكەندەر، اۆتوسالوندار، اۆتوقوسالقى بولشەكتەر ساتۋ سالوندارى، گۇل پاۆيلوندارى، حيميالىق تازالاۋ ورىندارى، كىر جۋۋ ورىندارى، فوتواتەلە، جەكە جانە مەملەكەتتىك بالاباقشالار، سۇلۋلىق سالوندارى، قوعامدىق مونشالار، ساۋنالار، فيتنەس كلۋب جانە باسقا دا قىزمەت كورسەتۋ ورىندارى جۇمىسىن توقتاتتى. سانيتارلىق-ەپيدەمياعا قارسى شارالاردى كۇشەيتە وتىرىپ، بارلىق ازىق-تۇلىك دۇكەندەرى مەن ءدارىحانالار، قوعامدىق تاماقتانۋ نىساندارى «تۇتىنۋشىعا دەيىن جەتكىزۋ» قاعيداتى بويىنشا جۇمىسىن جالعاستىرۋدا. قىزمەتى شەكتەلمەگەن كاسىپورىندار مەن وبەكتىلەر ءاربىر 3 ساعات سايىن دەزينفەكسيا جۇرگىزىپ، سانيتارلىق شارالاردى كۇشەيتۋى ءتيىس (كىرە بەرىستە قىزمەتكەرلەر ءۇشىن سانيتارايزەرلەر ورناتۋ)؛ پەرسونالدىڭ جۇمىس كەزىندە ءبىر رەت قولدانىلاتىن قولعاپتار مەن انتيسەپتيك پايدالانۋىن قامتاماسىز ەتۋى ءتيىس؛ ءجىتى رەسپيراتورلىق ينفەكسيا بەلگىلەرى بار قىزمەتكەرلەردى جۇمىسقا جىبەرمەۋى ءتيىس. سونداي-اق قالىپتى جۇمىس رەجيمىن توقتاتا تۇرۋ جانە ءوز قىزمەتىن قاشىقتان جالعاستىرۋدا. ءقازىر بيزنەس الدىندا ءبىرقاتار پروبلەمالار تۇرعانىن بىلەمىز. عيماراتتاردى جالعا الۋ قۇنىن شەگەرۋ، نەسيە، سالىق تولەمى، قىزمەتكەرلەردىڭ جالاقىسى، تاپسىرىستار مەن وتكىزۋ سانىنىڭ تومەندەۋى. ءاربىر ماسەلە بويىنشا بيزنەستى قولداۋ شارالارى قابىلدانۋدا. اعىمداعى جىلدىڭ 20 ناۋرىزىنان باستاپ مەملەكەتتىك، كۆازيمەملەكەتتىك جىلجىمايتىن مۇلىك وبەكتىلەرى بويىنشا بيزنەسمەندەر ءۇشىن 3 اي مەرزىمگە جالداۋ تولەمدەرىن ەسەپتەۋ توقتاتىلدى. ءقازىر كاسىپكەرلەر پالاتاسى وبلىستىق كاسىپكەرلىك جانە ساۋدا باسقارماسىمەن بىرلەسە وتىرىپ، كوممەرسيالىق ءۇي-جايلاردى جالعا الاتىن شاعىن جانە ميكروبيزنەس سۋبەكتىلەرىنىڭ جالداۋ اقىسىن كەيىنگە قالدىرۋ نەمەسە تومەندەتۋ مۇمكىندىكتەرىن قاراستىرۋدا. كادر ماسەلەسى بويىنشا ءقازىر كاسىپكەرلەر تج رەجيمىن ەنگىزۋگە بايلانىستى تابىستان ايىرىلۋىنا بايلانىستى 42500 تەڭگە (1 ەتج) بويىنشا الەۋمەتتىك تولەمدەر ءۇشىن تىزىمدەردى قالىپتاستىرۋ ءۇشىن قىزمەتكەرلەر بويىنشا دەرەكتەردى ۇسىنۋى ءتيىس. ماڭعىستاۋ وبلىسىنىڭ كاسىپكەرلەر پالاتاسى جانىنان كاسىپكەرلەرگە جەدەل كومەك كورسەتۋ شتابى قۇرىلدى. «اتامەكەن» ۇكپ call-ورتالىعى-1432. ماڭعىستاۋ وبلىسىنىڭ كاسىپكەرلەر پالاتاسىنىڭ جەدەل جەلىسى: موب.تەل: 8775 493 5869، 8701 819 8239.