شاعىن جانە ورتا بيزنەستىڭ سۋبەكتىلەرى 2020 جىلدىڭ 1 قازانىنا دەيىن، ال ءىرى بيزنەستىڭ كەيبىر سۋبەكتىلەرى 2020 جىلدىڭ 1 شىلدەسىنە دەيىن مىندەتتى الەۋمەتتىك مەديسينالىق ساقتاندىرۋ تولەمدەرىنەن بوساتىلدى. مۇنداي شارالاردى مەملەكەت توتەنشە جاعداي كەزىندە كاسىپكەرلەرگە قولداۋ كورسەتۋ ءۇشىن قابىلداپ وتىر.

«ياعني، ولار جۇمىس بەرۋشى رەتىندە 2% مولشەرىندە اۋدارىمداردى تولەمەيدى، سونداي-اق ءوز قىزمەتكەرلەرىنىڭ جالاقىسىنان 1% جارنالاردى ۇستامايدى. وسىلايشا، 1 ميلليونعا جۋىق ازامات ءمامس-عا اقى تولەۋدەن بوساتىلدى– بۇل وسى سالالارداعى قىزمەتكەرلەردىڭ جالپى سانى. الايدا، ولاردىڭ بارلىعى قاجەتتى مەديسينالىق كومەكتى تولىق كولەمدە الۋى ءتيىس، ولار ءۇشىن قور تولەيدى»، – دەدى «الەۋمەتتىك مەديسينالىق ساقتاندىرۋ قورى» ماڭعىستاۋ فيليالىنىڭ ديرەكتورى رۋسلان بەكتۋبايەۆ.

سالىقتار مەن الەۋمەتتىك تولەمدەرگە «نولدىك» مولشەرلەمەنى قولداناتىن سۋبەكتىلەردىڭ ءتىزىمى بەكىتىلدى. بۇل ساۋدا، كولىك جانە تەحنيكالىق قىزمەتتەر، ءبىلىم بەرۋ، مەديسينا، تۋريزم، مەيرامحانا جانە قوناق ءۇي بيزنەسى، ويىن-ساۋىق، باعدارلامالىق قامتاماسىز ەتۋ جانە فيتنەس سۋبەكتىلەرى.

قاۋلىدا كورسەتىلگەن ساناتتارعا كىرمەگەن بيزنەستىڭ سۋبەكتىلەرى ءۇشىن مامس-كە جارنامەن اۋدارىمدى تولەۋ مەرزىمى 2020 جىلدىڭ 1 ماۋسىمىنا دەيىن شەگەرىلدى.

جەكە كاسىپكەرلەر دە جەڭىلدىك الدى. جەكە كاسىپكەرگە 2020 جىلدىڭ 1 قازانىنا دەيىنوز قىزمەتكەرى ءۇشىن اۋدارىم تولەپ، ونىڭجالاقىسىنان جارنا ۇستاۋدىڭ قاجەتى جوق. الايدا جك ءوزى ءۇشىنجارنا تولەۋى كەرەك، ال تولەۋ مەرزىمى 2020 جىلدىڭ 1 ماۋسىمىنا دەيىن ۇزارتىلعان.

«زاڭ جارنالار مەن اۋدارىمداردان باس تارتۋعا مۇمكىندىك بەرمەيدى. سوندىقتان 1 قازانعا دەيىن بيزنەس سۋبەكتىلەرىندە تولەنبەگەن كەزەڭ بويىنشا قارىز پايدا بولادى. وسىعان بايلانىستى قورجارنادان «بوساتىلعان» كىزمەتكەرلەرگە قارىزدى ەسەپتەمەيتىن زاڭ نورماسىن ەنگىزۋ تۋرالى ۇسىنىس ايتۋدا. ويتكەنى، قور مۇنداي سىن ساعاتتا ەلىمىزگە قولداۋ كورسەتۋدى كوزدەپ وتىر. ءقازىر بۇل ۇسىنىس بويىنشا وزگەرىستەر بولىپ جاتىر، الداعى ۋاقىتتا مۇنىۇكىمەت قارايدى»، - دەدى فيليال ديرەكتورى رۋسلان بەكتۋبايەۆ. 

سونىمەن قاتار، قور ءبىرىڭعاي جيىنتىق تولەمدى (بجت) تولەۋشىلەر سانى وسكەنىن اتاپ ءوتتى. سەبەبى، بجت تولەۋ – ءوزىن-وزى جۇمىسپەن قامتىعاندار ءۇشىن 42 500 تەڭگە مولشەرىندە الەۋمەتتىك جاردەماقىنى الۋ شارتى.

«تابىسسىز قالعان جانە رەسمي تۇردە جۇمىس ىستەمەيتىن ازاماتقالا تۇرعىنى بولسا، 2 651 تەڭگە، ال اۋىل تۇرعىنى بولسا، 1 325 تەڭگە كولەمىندە بجت تولەپ، جاردەماقى الۋعا ءوتىنىم بەرە الادى. ءسويتىپ، الەۋمەتتىك مەديسينالىق ساقتاندىرۋ جۇيەسىنە قاتىسۋعا مۇمكىندىگى بار. وسىعان بايلانىستى، بجت تولەۋشىلەردىڭ سانى 85 مىڭنان (1 ساۋىرگە دەيىن تولەگەندەر) 1،8 ميلليون ازاماتقا دەيىن ۇلعايدى. الايدا، مىندەتتى مەديسينالىق ساقتاندىرۋ جۇيەسىندە مەديسينالىق كومەك الۋ ءۇشىن بجت اي سايىن تولەنۋى ءتيىس. (ساقتاندىرىلعان مارتەبەسىن الۋ ءۇشىن كەمىندە 3 اي)»، - دەلىنەدى حابارلامادا.

ايتا كەتەيىك، ءقازىر قازاقستاندا ساقتاندىرىلماعانداردىڭ ۇلەسى شامامەن حالىقتىڭ 15%-ىن قۇرايدى. دەگەنمەن، 2020 جىلدىڭ 1 شىلدەسىنە دەيىنبارلىق ازاماتتار شارتتى ساقتاندىرىلعان بولىپ سانالادى جانە مەديسينالىق كومەكتى تولىق كولەمدە تەگىن الۋعا قۇقىعى بار.