بۇل تۋرالى ماڭعىستاۋ وبلىسىنىڭ قوعامدىق كوممۋنيكاسيالار ورتالىعىندا وتكەن بريفينگ بارىسىندا ق ر سىبايلاس جەمقورلىققا قارسى ءىس-قيمىل اگەنتتىگىنىڭ مو بويىنشا دەپارتامەنت باسشىسىنىڭ ءبىرىنشى ورىنباسارى سەرىك ماحانبەتالى ۇلى قانىبەك مالىمدەدى.

           -ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار الەمى كوميتەتىنىڭ ورمان شارۋاشىلىعى جانە جانۋارلار الەمى اۋماقتىق ينسپەكسياسىنا جولدانعان حاتتىڭ نەگىزىندە فورمالىق ءجۇن باس كيىمدەردىڭ ساتىپ الۋ باعاسى ءتۇسىرىلدى. اتالعان باس كيىمنىڭ العاشقى باعاسى 58 000 تەڭگەدەن 15 500-گە دەيىن ءتۇسىرىلىپ، وسىلايشا 2 295 000 تەڭگە ۇنەمدەلدى.

سونىمەن قاتار، ماڭعىستاۋ وبلىسىنىڭ دەنساۋلىق ساقتاۋ باسقارماسىنا وڭىردە تج جانە كارانتين كەزەڭىنىڭ ەنگىزىلۋىن ەسكەرە وتىرىپ، جولداعان حاتىمىزعا سايكەس سالاۋاتتى ءومىر سالتىن ناسيحاتتاۋ قىزمەتىن الۋعا ارنالعان جالپى سوماسى 133 383 000 تەڭگەنى قۇرايتىن مەملەكەتتىك ساتىپ الۋ كونكۋرسى توقتاتىلدى، - دەدى سەرىك ماحانبەتالى ۇلى

ونىڭ ايتۋىنشا، «دەپارتامەنتتىڭ حاتىنا سايكەس، الدىن-الا جوسپارلانعان كەيبىر زاتتاردىڭ باعاسى تومەندەتىلىپ، وبلىستىق كوپسالالى بالالار اۋرۋحاناسى 740 000 تەڭگەنى ۇنەمدەدى.

بۇدان بۇرىن دەپارتامەنتتىڭ باستاماسىمەن وبلىس اكىمدىگىندە باسقارمالار مەن جەرگىلىكتى اتقارۋشى ورگان بولىمدەرىنىڭ باسشىلارىنا ارنالعان كەڭەيتىلگەن كەڭەس وتكىزىلىپ، وندا مەملەكەتتىك ساتىپ الۋ تۋرالى زاڭنامانىڭ تالاپتارى ءتۇسىندىرىلدى».

      -اعىمداعى جىلعى 13 جانە 15 قاڭتاردا اقتاۋ قالاسىنىڭ تۇرعىن ءۇي كوممۋنالدىق شارۋاشىلىعى قىزمەتىندەگى سىبايلاس جەمقورلىق تاۋەكەلدەرىن سىرتقى تالداۋ ناتيجەلەرى بويىنشا ءبىز ەلەكتر ەنەرگياسىن جەتكىزۋ، بەرۋ جانە تۇتىنۋ قىزمەتتەرىن كورسەتۋگە كەلىسىم-شارتتاردى زاڭسىز جاساسۋ فاكتىلەرى بويىنشا قازاقستان رەسپۋبليكاسى قىلمىستىق كودەكسىنىڭ 189-بابى، 4-بولىگى، 2-تارماعى بويىنشا 2 قىلمىستىق ءىس تىركەدىك.

      «ساپالى جول» جوباسىن جۇزەگە اسىرۋ ءۇشىن ءبىز كولىكتىك باقىلاۋدىڭ ايماقتىق ينسپەكسياسىمەن بىرلەسىپ جۇك كولىكتەرىنىڭ ينەرتتى جۇكتەردى تاسىمالداۋ مونيتورينگىن جۇرگىزدىك.

ناتيجەسىندە 2 ادام كولىك قۇرالىنىڭ جالپى ماسساسى مەن وستىك جۇكتەمەسىنەن اسىپ كەتۋى جانە ارتىق گاباريتتەرى بار ءىرى كولىك قۇرالدارىنىڭ وتكەندىگى ءۇشىن اكىمشىلىك جاۋاپكەرشىلىككە تارتىلدى (اكىمشىلىك قۇقىق بۇزۋشىلىق تۋرالى كودەكستىڭ 571-بابىنىڭ 1 جانە 6-بولىكتەرى). ولارعا جالپى 742 280 تەڭگە كولەمىندە ايىپپۇل سالىندى،-دەپ مالىمدەدى دەپارتامەنت باسشىسىنىڭ ءبىرىنشى ورىنباسارى.

      ق ر سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى جولاۋشىلار كولىگى جانە اۆتوموبيل جولدارى باسقارماسىمەن، «جول اكتيۆتەرىنىڭ ساپاسى ورتالىعى» رمك-مەن جانە تەحنيكالىق قاداعالاۋدى جۇزەگە اسىراتىن «مۇناي جولدارى» جشس-مەن بىرلەسكەن تۇردە «جىڭعىلدى-شايىر-شەرقالا» اۆتوجولىنىڭ (29 كم) قۇرىلىسىنا مونيتورينگ جۇرگىزگەن.

ونىڭ بارىسىندا جول سالۋ كەزىندە بۇرىن انىقتالعان بۇزۋشىلىقتاردى مەردىگەر («التىن قۇرىق» ج ش س) جويماعانى انىقتالىپ، وسىعان بايلانىستى ءتيىستى اكت جاسالعان جانە ولاردى جويۋ بويىنشا شارالار قابىلدانۋدا.

سپيكەردىڭ مالىمدەۋىنشە، دەپارتامەنت قىزمەتكەرلەرى «ادال جول» جوباسى اياسىندا وبلىستىق كولىكتىك باقىلاۋ ينسپەكسياسىمەن بىرلەسىپ ماڭعىشلاق-اقتوبە جانە الماتى-ماڭعىشلاق مارشرۋتتارىندا پويىزدارعا بيلەتسىز جولاۋشىلاردىڭ جانە راسىمدەلمەگەن جۇكتەر تاسىمالدارىن انىقتاۋ ماقساتىندا مونيتورينگ جۇرگىزدى.

ناتيجەسىندە، جۇكتەردى، جولاۋشىلاردى، باگاجدى جانە جۇك باگاجىن تاسىمالداۋ ەرەجەلەرىن بۇزعانى ءۇشىن 4 جولسەرىككە قاتىستى 5 اكىمشىلىك حاتتاما جاساقتالعان (اكىمشىلىك قۇقىق بۇزۋشىلىق تۋرالى كودەكستىڭ 571-بابى 4-بولىگى) جانە بيلەتسىز جولاۋشىلاردى تاسىمالداعانى ءۇشىن (اكىمشىلىك قۇقىق بۇزۋشىلىق تۋرالى كودەكستىڭ 623-بابى، 4-بولىگى) ءارقايسىسىنا ايىپپۇل سالىنعان.

 «ماڭعىستاۋ-ادالدىق الاڭى» جوبالىق كەڭسەسىنىڭ جانە ارنايى مونيتورينگتىك توپ وكىلدەرمەن بىرگە ۇبت تاپسىرۋ بارىسىن باقىلادىق، ءبىلىم بەرۋ ۇيىمدارىندا «ءبىرىڭعاي ساعات» رەسپۋبليكالىق اكسياسىن وتكىزدىك. اگەنتتىك باسشىلىعىنىڭ، وبلىس اكىمى، مەملەكەتتىك جانە قۇقىق قورعاۋ ورگاندارىنىڭ باسشىلارى، ءماسليحاتتار دەپۋتاتتارى، ۇەۇ وكىلدەرىنىڭ قاتىسۋىمەن «Antikor ortalygy» اشىلدى،-دەدى س. قانىبەك.

دەپارتامەنت تاراپىنان «حالىق زاڭگەرى» جوباسى اياسىندا وبلىس پروكۋراتۋراسىنىڭ، پوليسيانىڭ، ەكونوميكالىق تەرگەۋ جانە مەملەكەتتىك قىزمەت دەپارتامەنتىنىڭ قىزمەتكەرلەرىمەن بىرلەسكەن، تەگىن زاڭگەرلىك كومەك كورسەتۋ ءۇشىن ازاماتتاردى قابىلداۋ وتكىزىلدى.

جاڭاوزەن قالاسى مەن ماڭعىستاۋ اۋدانىندا «ماڭعىستاۋ – ادالدىق الاڭى» جوبالىق كەڭسەسىنىڭ فيليالدارى اشىلدى. وندا ايماق اكتيۆتەرىمەن كەزدەسۋلەر وتكىزىلىپ، مەملەكەتتىڭ سىبايلاس جەمقورلىققا قارسى ساياساتى ءتۇسىندىرىلدى.

-قازىرگى ۋاقىتتا توتەنشە جاعداي مەن كارانتيننىڭ ەنگىزىلۋىنە بايلانىستى ءبىزدىڭ تاراپىمىزدان ANTIKOR.LIVE جوباسى شەڭبەرىندە ونلاين-رەجيمدە زاڭداردى تۇسىندىرۋمەن جانە تۇرعىنداردىڭ سۇراقتارىنا جاۋاپ بەرۋ ماقساتىندا مەملەكەتتىك ورگاندار مەن ۇيىمداردىڭ باسشىلارى تىكەلەي ەفيرگە شىعۋدا،- دەپ مالىمدەدى سەرىك ماحانبەتالى ۇلى.