«Nur Otan» پارتياسىنىڭ ساياسي مەنەدجمەنت مەكتەبى پرايمەريزگە قاتىسۋشىلارعا ارنالعان «پرايمەريز. جاريا ساياسات. دەپۋتاتتىڭ بەينەسى قانداي بولۋى كەرەك؟» دەپ اتالاتىن وقۋ باعدارلاماسىنىڭ باستالاتىنى تۋرالى اقپارات تاراتتى، دەپ حابارلايدى Qamshy.kz پارتيانىڭ Facebook جەلىسىندەگى رەسمي پاراقشاسىنا سىلتەمە جاساپ.

"قۇرمەتتى دوستار! وزدەرىڭىز بىلەتىندەي، اعىمداعى جىلعى 17 تامىز بەن 3 قازان ارالىعىندا «Nur Otan» پارتياسىنىڭ پرايمەريزى وتەدى. ونىڭ باستى ماقساتى – الداعى ءماجىلىس پەن بارلىق دەڭگەيدەگى ءماسليحاتتاردا پارتيالىق تىزىمدەردى قالىپتاستىرۋ ءۇشىن باسەكەلەس كۇرەس نەگىزىندە جاڭا كوشباسشىلاردى انىقتاۋ. جاڭا فورماتتاعى پارتياىشىلىك ىرىكتەۋ پارتيانىڭ ءاربىر مۇشەسىنىڭ قاتىسۋىنا مۇمكىندىك بەرەدى.

وسىعان وراي «Nur Otan» پارتياسىنىڭ ساياسي مەنەدجمەنت مەكتەبى پرايمەريزگە قاتىسۋشىلارعا ارنالعان «پرايمەريز. جاريا ساياسات. دەپۋتاتتىڭ بەينەسى قانداي بولۋى كەرەك؟» دەپ اتالاتىن وقۋ باعدارلاماسىنىڭ باستالاتىنى تۋرالى حابارلايدى.

ەگەر پرايمەريز جايلى، زاماناۋي اقپاراتتىق بولمىس جاعدايىندا جەكە ءيميدجىڭىزدى باسقارۋدىڭ نەگىزگى پرينسيپتەرى، ساياسي قارىم-قاتىناس پەن شەشەن سويلەۋ داعدىلارى تۋرالى جان-جاقتى بىلگىڭىز كەلسە، سىزدەردى وسى وقۋ باعدارلاماسىنا قاتىسۋعا شاقىرامىز.

سەمينارلاردا بەلگىلى ساياساتتانۋشىلار، مەملەكەتتىك جانە قوعامدىق قايراتكەرلەر، پسيحولوگتار سپيكەر رەتىندە ءسوز سويلەيدى. ولاردىڭ ىشىندە ەرمۇحامەت ەرتىسبايەۆ، ايدوس سارىم، راسۋل جۇمالى، اندرەي چەبوتاريەۆ، ساياسات نۇربەك جانە باسقالار بار.

وقىتۋ باعدارلاماسى ونلاين رەجيمدە وتەتىن ءتورت مودۋلدەن تۇرادى.

ءبىرىنشى مودۋل: پارتياىشىلىك ىرىكتەۋ-پرايمەريزىن ىسكە اسىرۋ مەحانيزمى.
ەكىنشى مودۋل: پرايمەريزدى وتكىزۋدىڭ حالىقارالىق تاجىريبەسى. دەپۋتاتتىڭ بيلىكتەگى ءرولى مەن ورنى.
ءۇشىنشى مودۋل: دەپۋتاتتىڭ بەينەسى. يميدج جانە مىنەز-قۇلىقتىڭ ءتيىمدى ۇلگىسىن قالىپتاستىرۋ.
ءتورتىنشى مودۋل: ساياسي شەشەندىك.

ينتەراكتيۆتى پىكىرتالاس، توپتاردا پراكتيكالىق ساباقتار جانە شىعارماشىلىق تاپسىرمالار قاراستىرىلعان. قاتىسۋعا نيەت بىلدىرگەن بارلىق پارتيالىقتار ءۇشىن ساباقتار تەگىن وتكىزىلەدى.
سەمينارلار وسى جىلدىڭ 15 ماۋسىمىندا باستالىپ، 7 تامىزدا اياقتالادى جانە ساعات 9.30 – 13.00 ارالىعىندا وتەدى.

تولىعىراق اقپاراتتى تۇرعىلىقتى مەكەنجايىڭىز بويىنشا پارتيانىڭ وبلىستىق فيليالىنان نەمەسە «Nur Otan» پارتياسىنىڭ ساياسي مەنەدجمەنت مەكتەبىنەن مىنا مەكەنجاي بويىنشا الۋىڭىزعا بولادى:
نۇر-سۇلتان ق.، قونايەۆ كوشەسى، 12/1
تەل. +7-7172-707621
www.spm.nurotan.kz سايتى،
info_school@spm.nurotan.kz ەلەكتروندى پوشتاسى
الەۋمەتتىك جەلىلەردەگى اككاۋنتتار:
www.instagram.com/spm.nurotan.kz" دەلىنگەن پارتيانىڭ رەسمي پاراقشاسىنداعى جازبادا.