ماڭعىستاۋلىق ۆولونتەرلار ماراپاتتالدى. بۇگىن "Nur Otan" پارتياسىنىڭ ماڭعىستاۋ وبلىستىق فيليالىندا تج جانە كارانتين رەجيمى كەزىندە كومەككە مۇقتاج ءوڭىر تۇرعىندارىنا كومەك كورسەتكەن ۆولونتەرلار مەن بەلسەندى ازاماتتار ماراپاتتالدى.

ءوڭىردىڭ ەرىكتى جاستارى داعدارىسقا قارسى شارالارعا، مۇقتاج قازاقستاندىقتارعا قارقىندى كومەك قولىن سوزدى. ايتا كەتسەك وبلىس بويىنشا بويىنشا 100-گە تارتا ەرىكتى، 6 مىڭعا جۋىق وتباسىعا ادرەستىك جاردەم بەرىلدى.

رەسپۋبليكالىق «Birgemiz» قورىنان وڭىرلىك قورعا بارلىعى 979،1 ملن. تەڭگە ءبولىنىپ، 19582 مۇقتاج جانعا 50 مىڭ تەڭگەدەن قارجىلاي كومەك كورسەتتى.

سونىمەن قوسا، تۇركىستان وبلىسى ماقتاارال اۋدانىندا ورىن العان توتەنشە جاعدايعا بايلانىستى زارداپ شەككەن تۇرعىندارعا قولداۋ ءبىلدىرۋ ماقساتىندا ماڭعىستاۋ وبلىسىنان 77،5 تونناعا جۋىق گۋمانيتارلىق جۇك ماڭعىستاۋ جۇرتشىلىعى اتىنان تۇركىستاندىقتارعا جەتكىزىلدى.

وسى كۇردەلى كەزەڭدە وبلىس بويىنشا 300-دەن اسا ۆولونتەر ءبىر كىسىدەي ەڭبەك ەتتى.
ولاردىڭ قاتارىندا بەلسەندى جاس مۇقاش ۋرالبايەۆ، «Nur Otan» پارتياسىنىڭ مۇشەسى سارسەنوۆا ايجان، قالياسقاروۆ ماديار، كاسىپكەر ساقتاعانوۆا مەدينا، تەلەۋبايەۆ شامراد، ۆولونتەرلار كورپۋسىنىڭ ەرىكتىسى ەرجان ماناربەك، ابۋعالييەۆ اسحات، جولدى اسقار، كۋلچيگايەۆ ونەر رۋسلان ۇلى، «Nur Otan» پارتياسىنىڭ مو فيليالىنىڭ قىزمەتكەرى يسامبايەۆ ىقىلاس بار.
"بۇل كۇندەرى ازاماتتارىمىزدىڭ تاراپىنان كورسەتىلەتىن كومەكتىڭ ماڭىزى ەرەكشە بولدى. ولار دەمالىسسىز جۇمىس ىستەپ، مۇقتاج ادامدارعا كومەكتەرىن جەتكىزدى.
ناعىز پاتريوتتاردىڭ، جاۋاپكەرشىلىگى مول جاس كوشباسشىلاردىڭ جاڭا بۋىنى قالىپتاسقانى مەنى قۋانتادى. بىرلەسكەن كۇش-جىگەردىڭ ارقاسىندا ءبىز وسى كۇردەلى كەزەڭدى ەڭسەرىپ كەلەمىز. وسى كۇردەلى كەزەڭدە وبلىس بويىنشا 300-دەن اسا ۆولونتەر ءبىر كىسىدەي ەڭبەك ەتتى. ۆولونتەرلەرىمىزدىڭ بۇل ەڭبەگى كوپكە ۇلگى بولا ءبىلدى. بۇل رەتتە 2019 جىلدى نۇرسۇلتان ءابىش ۇلى «جاستار جىلى» دەپ اتاسا، ال بيىلعى جىلدى ەل پرەزيدەنتى قاسىم-جومارت كەمەل ۇلى توقايەۆتىڭ «ۆولونتەر جىلى» دەپ جاريالاۋى سيمۆولدىق مانگە يە بولدى. سىزدەر ءوز وتانشىلدىقتارىڭىزدى، ازاماتتىق پەن جاناشىرلىقتارىڭىزدى تانىتا وتىرىپ، بۇكىل ءوڭىر جاستارىنا ۇلگى كورسەتتىڭىزدەر.
قازاقتا «جۇمىلا كوتەرگەن جۇك جەڭىل» دەگەن قاسيەتتى ءسوز بار. وسى ىستەرىڭىزگە ءوڭىر باسشىسى رەتىندە العىس ايتا وتىرىپ، الداعى جۇمىستارىڭىزعا ساتتىلىك تىلەيمىن. ەلدىڭ دامۋىنا جاستىق جىگەرلەرىڭىزدى جۇمساپ، ءوز ۇلەستەرىڭىزدى الدا دا قوسا بەرىڭىزدەر”،- دەدى ماڭعىستاۋ وبلىسىنىڭ اكىمى سەرىكباي ترۇموۆ.