ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ 42 500 تەڭگە قاي ساناتتاعى ازاماتتارعا تاعايىندالمايتىنىن جانە جۇمىسى بولا تۇرا ءوتىنىم بەرگەن ازاماتتارعا قانداي جازا قولدانىلاتىنىن ايتتى.

– جالدامالى جۇمىسكەرلەر ەڭبەكاقىسىز دەمالىسقا جىبەرسە عانا الادى. ەگەر دە مەكەمەدەن رەسمي جۇمىستان شىعىپ كەتسە، ول ادامعا جۇمىسپەن قامتۋ ورتالىعىنا حابارلاسۋ قاجەت. ول جەردە ەڭبەك باعدارلاماسى، جول كارتاسىمەن جۇمىستار، نەسيە، گرانت ۇسىنىلادى. ەگەر دە ولار سايكەس كەلمەسە، ءۇش كۇننىڭ ىشىندە ولاردى جۇمىسسىز رەتىندە تىركەۋگە الادى. تىركەلگەننەن كەيىن ءارى قاراي جۇمىستى ىزدەي بەرەمىز. ءبىراق سول كۇننەن باستاپ ول كىسى ساقتاندىرۋ قورىنان جۇمىسسىزدىققا قارسى الەۋمەتتىك تولەم الۋعا قۇقىلى. ونى 6 اي الادى، ونىڭ كولەمى ورتاشا ەسەپپەن جالاقىنىڭ 40 پايىزىن قۇرايدى، – دەدى مينيستر. 

مينيستر جالدامالى جۇمىسشىلار ءۇشىن ءوتىنىمدى جۇمىس بەرۋشىلەر بەرەتىننى اتاپ ءوتتى.

– 42 500-گە جۇمىس ىستەپ تۇراقتى جالاقى الىپ جۇرگەندەر جانە مەكەمەدە جۇمىس جاسامايتىندار دا ءوتىنىم بەردى. سەبەبى ءبىز ءبارىن جەڭىلدەتىپ تاستادىق. جۇمىسى بولا تۇرا جۇزدەگەن، مىڭداعان ادام ءوتىنىم بەردى. وسى جولى وتكەن تاجىريبە ەسكەرىلە وتىرىپ، جالدامالى جۇمىسشىلارعا ءوتىنىمدى تەك جۇمىس بەرۋشى بەرەتىن بولىپ شەشىلدى. جۇمىس بەرۋشى بىزگە ءوزىنىڭ قاراماعىنداعى ەڭبەكاقىسىز دەمالىسقا كەتكەن ادامداردىڭ ءتىزىمىن جىبەرەدى. جاۋاپكەرشىلىك ءتيىستى جۇمىس بەرۋشىنىڭ موينىندا بولادى. مەكەمە جالعان مالىمدەمە بەرگەن جاعدايدا زاڭ جۇزىندە قىلمىستىق جاۋاپكەرشىلىككە تارتىلادى، – دەدى ءبىرجان نۇرىمبەتوۆ. 

♦ وقي وتىرىڭىز: "جىرتىق جاماۋعا كەلمەيدى". 42500 تەڭگە حالىقتىڭ كەرەگىنە جەتە مە؟