جازۋشى، قوعام قايراتكەرى مىرزاگەلدى كەمەل ومىردەن وزدى. بۇل اقپاراتتى مادەنيەت جانە سپورت مينيسترلىگىنىڭ باسپا ءسوز قىزمەتى راستادى.

مىرزاگەلدى كەمەل 1949 جىلى 15 قاڭتاردا وڭتۇستىك قازاقستان وبلىسى، ماقتارال اۋدانىندا تۋعان. 1971 جىلى تاشكەنت يرريگاسيا جانە اۋىل شارۋاشىلىعىن مەحانيكالاندىرۋ ينجەنەرلەرى ينستيتۋتىنىڭ اۋىل شارۋاشىلىعىن ەلەكترلەندىرۋ ماماندىعىن، 2000 جىلى م.ح.دۋلاتي اتىنداعى جامبىل ۋنيۆەرسيتەتىنىڭ قۇقىقتانۋ فاكۋلتەتىنىڭ زاڭگەر ماماندىعىن ءتامامداعان.

رۋحانيات سالاسىندا 10 كىتاپ شىعارعان، ولاردىڭ ىشىندە ءوزى جازعان ىزگىلىككە، يماندىلىققا، بىلىم-بىلىككە، اقىل-پاراساتقا ۇندەيتىن تانىمدىق-كوسەمسوزدىك ەڭبەكتەرگە قوسا، جۇڭگو اقىلماندارى لاو سزى مەن كونفۋسييدى، يسپان ءپالساپاشىسى بالتاسار گراسيان، ەجەلگى ريم جانە گرەك اقىلماندارىنىڭ افوريزمدەرىن، قازىرگى ىلىمدەردى ناسيحاتتاۋشى لۋيزا حەي، بۇگىنگى كۇننىڭ ەڭ اتاقتى جازۋشىلارىنىڭ ءبىرى پاۋلو كوەلولاردىڭ تاڭداۋلى ەڭبەكتەرىن قازاق تىلشە ءتارجىمالاعان. «دۇنيە» جانە «ەكولوگيا ي ۋستويچيۆوە رازۆيتيە» جۋرنالدارىن شىعارۋعا. «ابزالدىق الىپپەسى»، «وزىمە ساباق» سياقتى كىتاپتارى وقىرمان قاۋىمنان جوعارى باعاسىن العان.

2004 جىلى ەكونوميكا عىلىمدارىنىڭ دوكتورى عىلىمي اتاعىن العان. قازاقستان رەسپۋبليكاسىنىڭ پرەزيدەنتى جانىنداعى مەملەكەتتىك باسقارۋ اكادەمياسىنىڭ پروفەسسورى، 14 مونوگرافيانىڭ، 100-گە جۋىق عىلىمي ماقالالاردىڭ اۆتورى.