بۇگىن، 18 شىلدە كۇنى جازۋشى، قوعام قايراتكەرى، قازاقستان پارلامەنتىنىڭ ەكس-دەپۋتاتى مىرزاگەلدى كەمەل 71 جاسىندا كوز جۇمدى. ونىڭ قايتىس بولعانىن مادەنيەت جانە سپورت مينيسترلىگىنىڭ باسپا ءسوز قىزمەتى راستادى. جازۋشىنىڭ نەدەن قايتىس بولعانى ءالى بەلگىسىز. 

مىرزاگەلدى كەمەل 1949 جىلى 15 قاڭتاردا وڭتۇستىك قازاقستان وبلىسى، ماقتارال اۋدانىندا تۋعان. 1971 جىلى تاشكەنت يرريگاسيا جانە اۋىل شارۋاشىلىعىن مەحانيكالاندىرۋ ينجەنەرلەرى ينستيتۋتىنىڭ اۋىل شارۋاشىلىعىن ەلەكترلەندىرۋ ماماندىعىن، 2000 جىلى م.ح.دۋلاتي اتىنداعى جامبىل ۋنيۆەرسيتەتىنىڭ قۇقىقتانۋ فاكۋلتەتىنىڭ زاڭگەر ماماندىعىن تامامداعان.

ول ەڭبەك جولىن 1971 جىلى ماقتارال اۋدانىنداعى "وكتيابردىڭ 30 جىلدىعى" سوۆحوزىندا اعا ينجەنەر بولىپ باستاعان. مىرزاگەلدى كەمەل 1994–1995 جىلدارى قازاقستان جوعارعى كەڭەسىنىڭ دەپۋتاتى، 1995 جىلى قازاقستان مينيسترلەر كابينەتى جانىنداعى شەتەل ينۆەستيسياسى جونىندەگى كوميتەتىنىڭ سەكتور مەڭگەرۋشىسى بولىپ قىزمەت اتقارعان. 1995–2004 جىلدارى ءبىرىنشى جانە ەكىنشى شاقىرىلعان قازاقستان پارلامەنتىنىڭ دەپۋتاتى بولدى. 

ول رۋحانيات سالاسىندا 10 كىتاپ شىعارعان. قازاقستان پرەزيدەنتى جانىنداعى مەملەكەتتىك باسقارۋ اكادەمياسىنىڭ پروفەسسورى، 14 مونوگرافيانىڭ، 100-گە جۋىق عىلىمي ماقالالاردىڭ اۆتورى. 

قازاقستاندا سوڭعى ايدا بىرنەشە قالامگەر قايتىس بولعان. ولاردىڭ اراسىندا  اقىن جارىلقاسىن بورانبايەۆ، اقىن، جازۋشى، اۋدارماشى امانجول قانافين، اقىن، جازۋشى جەڭىس ارونوۆ، اقىن اسكەربەك راحىمبەك ۇلى، جازۋشى، جۋرناليست ايجارىق سادىبەك ۇلى، جازۋشى قاجىعالي مۇحانبەتقالي ۇلى