جەرسەرىكتەن تۇسىرىلگەن سۋرەتتەردە بەيجىڭنىڭ وڭتۇستىك جۇڭگو تەڭىزىندەگى داۋلى ارالدارعا ءتورت جويعىش ۇشاعىن جىبەرگەنى كورىنگەن. بۇل اسكەري وپەراسيا ۆاشينگتون پەن بەيجىڭنىڭ ايماقتاعى قايشىلىعى كۇشەيە تۇسكەن كەزدە بولىپ وتىر، دەپ حابارلايدى قامشى ءتىلشىسى France24News باسىلىمىنا سىلتەمە جاساپ.

جەرسەرىكتىك سۋرەتتەردە قىتايدىڭ داۋلى ۆۋدي ارالىندا اسكەري-تەڭىز فلوتىن قۇرعانى كورىنگەن. بۇل ارال ۆەتنام، جۇڭگو جانە تايۆان اراسىندا،ى داۋلى ايماق. ال ارالداعى اسكەري بازاعا قىتايدىڭ ءتورت جويعىش ۇشاعىنىڭ جىبەرىلگەنى بايقالعان. "ونداعى اكەري ۇشاقتار ايگىلى "Flanker" ۇشاقتارىنىڭ قىتايلىق نۇسقاسى" دەيدى France24news.

جەرسەرىكتىك كومپانيا سۋرەتتەردى 15 شىلدەدە جاريالاعان. 

بۇعان دەيىن وڭتۇستىك جۇڭگو تەڭىزىندە اقش پەن جۇڭگو اسكەري كۇشتەرى ءبىر ۋاقىتتا جاتتىعۋ وتكىزىپ جاتقانى حابارلانعان. جۇڭگو شىلدەنىڭ باسىندا پاراكەل ارالدارى ماڭىنا سوعىس كەمەلەرىن جىبەرگەن. كەيىنىرەك، ۆاشينگتون دا پاراكەل ارالدارى ماڭىنا اسكەري ۇشاقتار تاسىمالداۋشىلارىن جىبەردى. اقش وعان قوسا، يادرولىق بوملالاۋشىسىن دا جونەلتكەن. ايماقتا اقش جانە جاپون كەمەلەرى بىرگە ارەكەت ەتۋدە.

ال قىتايلىق گلوبال تايمس باسىلىمى بەيجىڭنىڭ "كيللەر زىمىراندارى" اقش سوعىس ۇشاقتارىن تاسىمالداۋشىلارعا سوققى بەرەتىنىن ەسكەرتكەن. 

كەيىنىرەك، وڭتۇستىك جۇڭگو تەڭىزىندەگى اقش-جاپونيا بىرىككەن اسكەري كۇشتەرىنە قولداۋ كورسەتۋ ءۇشىن ۇلىبريتانيانىڭ سوعىس ۇشاقتارىن تاسمالداۋشى كەمەلەرى مەن جويعىشتارىنىڭ جىبەرىلەتىنى حابارلانعان.

اسكەري ساراپشىلار ەكى ەلدىڭ كوپتەگەن جويعىشتارى مەن كەمەلەرىنىڭ وتە جاقىن قاشىقتىقتا جاتتىعۋ وتكىزۋى اسكەري قاقتىعىس ءقاۋپىن كۇشەيتەتىنىن مالىمدەگەن. 

اقش اسكەري-تەڭىز كۇشتەرى "USS Nimitz" جانە "USS Ronald Reygan" سوعىس ۇشاقتارىن تاسىمالداۋشى كەمەلەرى 4 جانە 6 شىلدە ارالىعىندا داۋلى سۋ جولىندا وپەراسيالار جاساپ جانە اسكەري جاتتىعۋلار وتكىزىپ، 17 شىلدە ايماققا ورالعانىن حابارلادى.