قازاقستاننىڭ رەسەيدەگى ەكس-ەلشىسى يمانعالي تاسماعامبەتوۆ اتىراۋ وبلىسىنا 26 450 000 تەڭگەگە ءدارى الدىرعان. بۇل تۋرالى "شاپاعات" قوعامدىق قورى ءوز Instagram پاراقشاسىندا جازدى.
"ەلىمىزگە بەلگىلى شەنەۋنىك، اتىراۋ ولكەسىنىڭ تۋماسى، اتىراۋ وبلىسىنىڭ ەكس-اكىمى يمانعالي تاسماعامبەتوۆ اعامىز قيىن-قىستاۋ كەزەڭدە وبلىس حالقىنا قول ۇشىن سوزىپ، 26 450 000 تەڭگەگە استراحان قالاسىنان قازىرگى تاڭدا وتە قاجەتتى دارى-دارمەكتەردى الدىرتتى.
ءبىراز كۇن بۇرىن اتىراۋ وبلىسىنىڭ باس يمامى التىنبەك ۇتىسحان حالىققا دارى-دارمەكپەن قامتاماسىز ەتۋ تۋرالى قالتالى ازاماتتارعا ۇندەۋ جاريالاعان بولاتىن.
رەسەيدەن اكەلىنگەن بۇگىنگى كۇننىڭ ەڭ قاجەتتى دارىلەرىن مەشىت باسشىلىعى اتىراۋ وبلىستىق دەنساۋلىق ساقتاۋ باسقارماسىنىڭ رۇقسات قاعازى (رەسەپت) ارقىلى تاراتاتىن بولادى. سەبەبى ءدارىنى، انتيبيوتيكتەردى ءوز بەتىمەن قابىلداۋ ادام دەنساۋلىعىنا ءقاۋىپ ءتوندىرۋى مۇمكىن. دارى-دارمەك مەشىتتەن بەرىلمەيدى.
@iman_zhastary ەرىكتىلەرى ارنايى بولىنگەن 10 كولىكپەن دارى-دارمەكپەن ۇيلەرگە جەتكىزىپ بەرەدى. يمانعالي اعامىز الداعى كۇندەردە اتىراۋدى حالقىنا ميلليون تەڭگەگە يۆل اپپاراتىن الىپ بەرمەك.
"ۇلىم دەيتىن ەل بولماسا، ەلىم دەيتىن ۇل قايدان شىعادى" دەمەكشى وسىنداي سىن ساعاتىندا دەمەۋ بىلدىرگەن ەل اعالارىنا العىس بىلدىرەمىز" دەلىنگەن جازبادا.
پىكىر قالدىرۋ