الماتى اكىمدىگى بۇگىن جول-ينفراقۇرىلىمى جوبالارى تۋرالى ونلاين كونفەرەنسيا وتكىزدى.

«الماتىدا جالپى جولدىڭ ۇزىندىعى 3 096 كم. ونىڭ ىشىندە ساپاسى جاقسى جولداردىڭ ۇلەسى سالماعى 2019 جىلى 75 %-عا جەتكىزىلدى. بارلىعى 2 322 كم بولدى. الماتى اكىمىنىڭ تاپسىرماسىمەن 2020 جىلى بۇل كورسەتكىشتى 80%-عا جەتكىزۋ كوزدەلگەن»، - دەدى قالالىق موبيلدىلىك باسقارماسى باسشىسىنىڭ ورىنباسارى ەرنۇر ابجاحان.

2019 جىلى قالانىڭ دامۋ جوسپارىنا سايكەس ت.رىسقۇلوۆ پەن قۇلجا تاس جولى جول ايرىعى پايدالانۋعا بەرىلدى. سونىمەن قاتار، ءسۇيىنباي داڭعىلىنىڭ حمەلنيسكيي مەن شولوحوۆ كوشەسى ارالىعىنداعى ۋچاسكەسى قايتا جوندەۋدەن ءوتتى.

2020 جىلى 3 ءىرى جولايرىعىنىڭ: ت.رىسقۇلوۆ –ەمسوۆ، س.سەيفۋللين داڭعىلى – ءى.جانسۇگىروۆ كوشەسى، بۇقتىرما – قۇلجا تاس جولى نىساندارىنىڭ قۇرىلىسى اياقتالادى.

«ءقازىر ت.رىسقۇلوۆ داڭعىلىنىڭ وڭتۇستىك جاعىندا جول جابىندىسى توسەلىپ جاتىر. ال سولتۇستىگىندە ۇيلەر ءالى ءسۇرىلىپ جاتىر. ءالى بىرنەشە نىسان تولىق تاركىلەنگەن جوق. بۇل جۇمىستار كەلەسى جىلى تولىق اياقتالادى»، - دەدى ەرنۇر ابجاحان.

س.سەيفۋللين – ءى.جانسۇگىروۆ جول ايرىعىندا ۇيلەر ءسۇرىلىپ جاتىر. بيىل توننەلدەر سالىنىپ، 2021 جىلعا قاراي جۇمىس تولىق اياقتالادى.

بۇقتىرما – قۇلجا تاس جولى جولايرىعىندا دا قالا مەن وبلىس تەرريتورياسىنداعى جەر ۋچاسكەلەرىن تاركىلەۋ ءجۇرىپ جاتىر.