ناۋقاستاردى ەشەلونداۋ تەكسەرۋگە كەتەتىن ۋاقىتتى قىسقارتۋعا جانە جۇقتىرۋ ءقاۋپىن تومەندەتۋگە مۇمكىندىك بەرەدى. بۇل تۋرالى الماتى جەدەل جاردەم ستانسياسىنىڭ باس دارىگەرى حابارلادى.

الماتى قالالىق جەدەل مەديسينالىق كومەك كورسەتۋ ستانسياسىنىڭ باس دارىگەرى ءبىرجان وسپانوۆ وڭىرلىك كوممۋنيكاسيالار قىزمەتىنە بەرگەن سۇحباتىندا جۇرگىزىلىپ جاتقان جۇمىستار، سونىڭ ىشىندە كوروناۆيرۋس ماسەلەلەرى تۋرالى ايتتى.

اتاپ ايتقاندا، ءبىرجان وسپانوۆ جەدەل جاردەم شاقىرۋلارىن ەشەلونداۋ جانە باعدارلاۋ ماسەلەلەرىن ءتۇسىندىردى.

«جەدەل جاردەم شاقىرۋلارى بويىنشا بارۋدى ەشەلونداۋ جانە باعدارلاۋ ءبىزدىڭ قىزمەتتى جاقسارتىپ، وعان ۇيىمداسقان تۇردە كەلۋگە مۇمكىندىك بەردى. جۇمىس ىستەگەن سوڭعى اپتالاردا ءبىز العا ءبىراز ىلگەرىلەدىك. وتىنىشتەردىڭ ازايىپ كەلە جاتقانى بايقالادى، جەدەل جاردەم جۇمىسىن دۇرىس ۇيىمداستىرۋ ەسەبىنەن دۇرىس باعدارلاۋ مەن ديسلوكاسيالاۋ كومەگىمەن ءبىزدىڭ قول جەتكىزگەن ناتيجەمىز جامان ەمەس»، — دەپ حابارلادى ب. وسپانوۆ.

قازىرگى ۋاقىتتا الماتىداعى كلينيكالار ايماقتىق جانە اۋماقتىق قاعيدالار بويىنشا بىرنەشە ەشەلوندارعا بولىنگەن. ءبىرىنشى ەشەلوندا قۇرامىندا ءجۇز جانە ودان اساتىن رەانيماسيالىق ورىندارى بار ءىرى كلينيكالار بار. وندا اۋرۋحاناعا جاتقىزۋ كورسەتكىشتەرى بار، اۋىر جانە ورتاشا اۋىرلىق جاعدايىنداعى ناۋقاستار جەتكىزىلەدى. ەكىنشى ەشەلونعا جاتاتىن ورىندار قورى مەن جان ساقتاۋ قۋاتى ازداۋ ستاسيونارلار جاتقىزىلادى.

«وسىلاي ءبولۋ جەدەل جاردەم ستانسياسىنىڭ جۇمىسىن ءتيىمدى ەتىپ رەتتەۋگە مۇمكىندىك بەرەدى. شاقىرتۋ تۇسكەن جەرگە جەتۋ ۋاقىتى 15،4 مينۋتتى قۇرايدى»، — دەپ ءتۇسىندىردى جەدەل جاردەم ستانسياسىنىڭ باس دارىگەرى، سوعان قاراماستان شاقىرتۋلار بويىنشا قاجەتتى ۋاقىت كوبىرەك كەتەدى، سەبەبى ءاربىر شاقىرتۋ تۇسكەن سايىن جەكە قورعانىس قۇرالدارىن، وباعا قارسى كوستيۋمدەردى كيۋدىڭ ءوزى قوسىمشا ۋاقىتتى الادى.

جاڭادان ەنگىزىلگەن وزگەرىستەرگە سايكەس، ناۋقاستار اعىنىن كوروناۆيرۋس ينفەكسياسىنا كۇدىكتى جانە ونى جۇقتىرعاندار دەپ مىندەتتى ءبولۋ قاراستىرىلعان. ستاسيونارلاردى باعدارلاۋ جانە ەشەلونداۋ ناۋقاستار اعىنىن بولۋگە باعىتتالعان.

«ناۋقاسقا دياگنوز قويۋدا جەدەل جاردەم قىزمەتىنە پتر تەكسەرۋ ءۇشىن كت-سى بار ستاسيونارلار مەن كلينيكالارعا بارۋ قاجەت. باعدارلاۋدىڭ ءوزى وسىعان باعىتتالعان. ءبىزدىڭ تاراپىمىزدان كومپتەرلىك توموگرافيا جاسايتىن 30 ورتالىق انىقتالدى، ولار ستاسيونارلى جانە ەمحانالىق دەپ بولىنەتىن بولادى. ءبىز ناۋقاستاردى اۋرۋحاناعا جاتقىزۋعا اپارا جاتقاندا بىزبەن بەلگىلەنگەن ستاسيوناردا جانە بىزبەن بەلگىلەنگەن ەمحانادا ورنالاسقان كت ارقىلى وتەمىز. سول جەردە كت جاسالىپ، وكپەنىڭ قانشالىقتى زاقىمدانعانى انىقتالعاننان كەيىن، پاسيەنتتەردى ستاسيونارعا جولدايمىز»، — دەپ اتاپ ءوتتى ب.وسپانوۆ.

ماماننىڭ ايتۋىنشا، وسى پروسەسس بارىسىندا تەكسەرۋگە كەتەتىن ۋاقىت ازايادى، ءبىر جاعىنان پاسيەنتتەر اعىنى بولىنگەننەن كەيىن، ول ءوز كەزەگىندە جۇقتىرۋ ءقاۋپىن ازايتادى.