تىكەلەي ەفير بارىسىندا شقو اكىمى دانيال احمەتوۆ وبلىستا مەكتەپتەر مەن بالاباقشالاردى سالۋ ءىسى كەڭ اۋقىمدا جۇرگىزىلىپ جاتقانىن اتاپ ءوتتى. اعىمداعى جىلدىڭ ىركۇيەك ايىندا 3 جاڭا مەكتەپ قولدانىسقا بەرىلەدى.

قازاق حالقىنىڭ ۇلى ويشىلى ءارى اقىن ابايدىڭ 175 جىلدىعىنا وراي اباي اۋدانىنىڭ قاراۋىل اۋىلىندا نازاربايەۆ ينتەللەكتۋالدىق مەكتەبىنىڭ ستاندارتتارى بويىنشا جابدىقتالعان 300 ورىندىق زاماناۋي مەكتەپ اشىلادى. سونىمەن قاتار وسكەمەندەگى احمەر اۋىلىندا 1000 ورىندىق جاڭا مەكتەپ ەل يگىلىگىنە بەرىلەدى.

تارباعاتاي اۋدانىنىڭ اقجار اۋىلىندا 600 ورىندىق  پەن 300 ورىندىق ينتەرناتى بار مەكتەپ اشىلادى. وندا از قامتىلعان وتباسىلاردا تاربيەلەنىپ جاتقان جانە وبلىستاعى قالالاردان كەلگەن بالالار وقيتىن بولادى. بۇل مەكتەپ اسكەري باعىتتا تالىم-تاربيە بەرەدى. ەگەر ناتيجەسى وڭ بولسا، وبلىستاعى باسقا ءبىلىم وشاقتارىندا دا وسى ءادىس قولدانىلماق.

بۇدان بولەك، مەملەكەتتىك-جەكەمەنشىك سەرىكتەستىك اياسىندا وسكەمەندە 915 ورىندىق 5 بالاباقشا اشىلادى. اتالمىش نىساندار ەسەنبەرلينا، ريەۆوليۋسيوننىي، بايباچينا، وتەپوۆ كوشەلەرىنىڭ بويىندا جانە احمەر اۋىلىندا بوي كوتەرەدى.

سونداي-اق وبلىس ورتالىعىندا جاس تەحنيكتەر ستانساسىندا قايتا قالپىنا كەلتىرۋ جۇمىستارى جۇرگىزىلگەن سوڭ قوسىمشا ءبىلىم بەرۋ ماقساتىندا SMART-ورتالىق اشىلادى.

ايماق باسشىسى اعىمداعى جىلى 423 ءبىلىم نىسانىنا اعىمداعى جانە كۇردەلى جوندەۋ جۇمىستارىن جۇرگىزۋ ءۇشىن 10،9 ملرد. تەڭگە بولىنەتىنىن اتاپ ءوتتى. بۇل وتكەن جىلعى كورسەتكىشپەن سالىستىرعاندا 5 ەسە كوپ. قازىرگى كۇنى 423 نىساننىڭ 381-دە ءتيىستى جوندەۋ جۇمىستارى اياقتالدى. ال قالعان عيماراتتار 20 تامىزعا دەيىن قولدانىسقا بەرىلەدى.