اقش سەناتىنىڭ بارلاۋ كوميتەتى ترامپتىڭ پۋتينگە جازعان بەلگىسىز حاتتارى تۋرالى ەسەبىن جاريالادى. بۇل دەموكراتتاردىڭ "2016 جىلعى سايلاۋدا بيلىككە جەتۋ ءۇشىن ترامپ پۋتينمەن جاسىرىن بايلانىستى" دەگەن ۇندەۋلەرىنە كۇش بەرگەندەي. 

باياندامادا اتاپ كورسەتىلگەن 2007 جىلعى حاتتا ترامپ ءپۋتيننىڭ "ۇلكەن جانكۇيەرى" ەكەنىن مالىمدەگەن.

2007 جىلى پۋتين Time جۋرنالىنىڭ "جىل ادامى" اتانعان، سول كەزدەن باستاپ ترامپ پەن پۋتين اراسىندا جاقسى بايلانىس بولعان.

– Time جۋرنالىنىڭ "جىل ادامى" اتانعانىڭىزبەن قۇتتىقتايمىن، ءسىز بۇعان لايىقسىز. ءسىز ەستىگەندەي، مەن ءسىزدىڭ ۇلكەن جانكۇيەرىڭىزبىن! ءوز-وزىڭىزدى كۇتىڭىز،–دەپ جازعان ترامپ.

2013 جىلى جازعان ءبىرقاتار حاتتارىندا ترامپ رەسەي پرەزيدەنتىن "الەم ارۋى" بايقاۋىندا "سۇلۋ ايەلدەردى" كورۋگە شاقىرعان.

"مەن ماسكەۋدە ەڭ ۇزدىك جانە الەم ارۋى بارىن بىلەمىن. ءبىز حالىقارالىق جانە رەسەيلىك بۇقارالىق اقپارات قۇرالدارىنىڭ جاعىمدى جانە اۋقىمدى پىكىرلەرىنە تاڭ قالدىق. مەن وسى مۇمكىندىكتى پايدالانىپ، ءسىزدى قۇرمەتتى قوناق بولۋعا شاقىرامىن" دەپ جازىلعان حاتتا.

سودان كەيىن بۇل شارا "الەمدەگى ەڭ سۇلۋ ايەلدەردى" قابىلدايتىنىن ترامپ ءوز قولىمەن جازعان.

سونىمەن قاتار شاقىرۋ حاتىندا ماسكەۋدەگى ءىس-شارادا ترامپ مىرزامەن سەرىكتەس بولعان وليگارح اراس اگالاروۆ تا اتالعان.

سەناتتىڭ ەسەبىندە رەسەيدىڭ 2016 جىلى اقش-تاعى پرەزيدەنت سايلاۋىنا ارالاسقانى، سونداي-اق بەدەلدى امەريكالىقتار تۋرالى كومپرومات جيناعانى ايتىلعان.

ەسەپ شامامەن 1000 بەتكە دەيىن جەتەدى. بايانداما ترامپ پەن ونىڭ كومەكشىلەرىنىڭ رەسەي ۇكىمەتىنىڭ شەنەۋنىكتەرىمەن بايلانىسىنىڭ ۇلكەن جەلىسىن جاريالاعان.

ەڭ تاڭقالارلىق تۇسى، رەسەيلىك بارلاۋ وفيسەرى كونستانتين كيليمنيك ترامپتىڭ بۇرىنعى ناۋقان مەنەدجەرى پول مانافورتپەن تانىس بولعان.

حابارلامادا مانافورتتىڭ 2016 جىلى كيليمنيكپەن كەزدەسىپ، ترامپ مىرزانىڭ حيللاري كلينتوندى قالاي جەڭۋى مۇمكىن ەكەندىگىن تالقىلانعانى جانە رەسەيلىك شپيونعا ىشكى سايلاۋ تۋرالى مالىمەتتەردى بەرگەنى ايتىلعان.

ءبىراق سەنات كوميتەتى مانافورتتىڭ بۇل اقپاراتتى نە ءۇشىن بەرگەنىن نەمەسە كيليمنيك ونىمەن نە ىستەگەنىن "انىقتاي المايتىنىن" ايتتى.

ەسەپ بويىنشا، رەسەيلىك بيزنەسمەن ديەۆيد گەوۆانيستىڭ ۇيىمداستىرۋىمەن ترامپ 1996 جىلى ماسكەۋدە بولعان. بايانداماعا سايكەس، ۇيىمداستىرۋشى ديەۆيد گەوۆانيستىڭ رەسەي قاۋىپسىزدىك قىزمەتتەرىمەن بايلانىسى بار.

"ماسكەۋدەگى قابىلداۋشىلار كەيبىر اقش كاسىپكەرلەرىن جەزوكشەلەر تۇراتىن تۇنگى كلۋبتارعا نەمەسە كەشتەرگە ءجيى اپارعان. رەسەيدىڭ قاۋىپسىزدىك قىزمەتى نەمەسە ارنايى قىزمەتتەرى اقپارات جيناۋ ءۇشىن وسىنداي مۇمكىندىكتەردى پايدالانادى" دەپ جازىلعان باياندامادا.