تۇركىستان وبلىسىندا تۋعان قىزى مەن ايەلىنە زورلىق جاساعان ەر ادام 15 جىلعا قامالدى. بۇل تۋرالى vera.kz حابارلادى.

وبلىستىق پوليسيا دەپارتامەنتى تەرگەۋ ءبولىمىنىڭ باسشىسى نۇرماحان جالعاسوۆتىڭ ايتۋىنشا، قىلمىستى اشۋ ءۇشىن پوليسەيلەردىڭ ءبىراز ۋاقىتى كەتكەن. 2019 جىلدىڭ قازانىندا سارىاعاش اۋدانىنىڭ پوليسياسىنا جابىرلەنۋشى قوڭىراۋ شالىپ، ءبىر اي بۇرىن ءوزى مەن قىزىن زورلاعانىن ايتقان.

پوليسيا اتالعان فاكتىنى تىركەۋگە الىپ، ق ر قىلمىستىق كودەكسىنىڭ 121-بابى (سەكسۋالدىق سيپاتتاعى زورلىق-زومبىلىق ارەكەتتەرى) بويىنشا سوتقا دەيىنگى تەرگەۋدى باستادى. ءىس وبلىستىق پوليسيا دەپارتامەنتىنىڭ تەرگەۋ بولىمىنە جىبەرىلدى. كۇدىكتى قىلمىسىن مويىنداعانىمەن، كەلەسى كۇنى ايەل ايتقان سوزىنەن باس تارتقان.

– ايەلى ىشىمدىككە سالىنىپ جۇرگەن كۇيەۋىن وسىلاي جازالاعانىن ايتتى. ءبىراق ءبىز كۋالىك بەرۋدەن باس تارتقانىنا قاراماي، سوتقا دەيىنگى تەرگەۋ جۇمىستارىن جالعاستىردىق. ءبىز كۇندىز-تۇنى جۇمىس جاساپ، ايعاقتاردى ىزدەستىرىپ، كاسىبي ماماندارمەن جۇمىس جاسادىق. اتالعان قىلمىستىق ىسكە بىرنەشە اي ءوتتى، – دەدى نۇرماحان جالعاسوۆ.

وبلىستىڭ ادىلەت مينيسترلىگى مەن سوت-مەديسينالىق ساراپتاما ينستيتۋتىنىڭ ماماندارى زورلىق-زومبىلىق فاكتىسىن راستادى.

ماماننىڭ ايتۋىنشا، ايەلى مەن قىزى كۇيزەلىسكە ۇشىراعان. الداعى ۋاقىتتا سوت پروسەسىنە ءجاسوسپىرىمدى قاتىستىرماۋدى ۇسىندى.

كۇدىكتى قىزى مەن ايەلىنە زورلىق-زومبىلىق كورسەتكەنى ءۇشىن 15 جىلعا سوتتالدى.