بۇگىن 26 تامىز قازاقستاننىڭ ەكس-پرەزيدەنتى نۇرسۇلتان نازاربايەۆتىڭ جيەنى ايسۇلتان راحاتتىڭ تۋعان كۇنى. ون كۇن بۇرىن دۇنيەدەن وتكەن ايسۇلتان 30 جاسقا تولار ەدى.
ايسۇلتان راحات 1990 جىلدىڭ 26 تامىزىندا دۇنيەگە كەلگەن. ول داريعا نازاربايەۆا مەن راحات الييەۆتىڭ ەكىنشى ۇلى. بۇقارالىق اقپارات قۇرالدارى ونى "ەلباسىنىڭ سۇيىكتى جيەنى" دەپ اتايتىن.
ايسۇلتان 2006 جىلى قازاقستاننىڭ جاسوسپىرىمدەر قۇراماسىنىڭ ساپىندا ەۋروپا چەمپيناتىنىڭ ىرىكتەۋ تۋرنيرىنە قاتىستى. "چەلسي" جانە "پورتسمۋت" جاستار كوماندالارى مەن قازاقستاندىق "استانا" كومانداسىندا ويناعان.
ەكس-پرەزيدەنتتىڭ جيەنى ساندحەرستتەگى بريتان كورولدىك اسكەري اكادەمياسىن (2009-2010) جانە كيمەپ ۋنيۆەرسيتەتىنىڭ ماگيستراتۋراسىن "بيزنەس-اكىمشىلىك" ماماندىعى بويىنشا ءتامامداعان.
2012-2013 جىلدارى قورعانىس مينيسترلىگىنىڭ باس بارلاۋ باسقارماسىندا قىزمەت اتقارعان.
2017 جىلدىڭ اقپان-قازان ايلارىندا قازاقستان فۋتبول فەدەراسياسىنىڭ ۆيسە-پرەزيدەنتى بولعان.
2020 جىلدىڭ 16 تامىز كۇنى لوندون قالاسىندا كوز جۇمدى.
پىكىر قالدىرۋ