ەندى قازاقستان جاڭا ەكونوميكالىق ساياساتقا كوشەتىن بولادى. بۇل تۋرالى ق ر ۇكىمەت باسشاسى كارىم ءماسىموۆ ۇكىمەتتىڭ سلەكتورلى وتىرىسىندا  مالىمدەگەن. بۇل تۋرالى «قامشى» پورتالى  Tengrinews.kz-كە سىلتەمە جاساي وتىرىپ حابارلايدى.

ۇكىمەتتىڭ سەلەكتورلى وتىرىسىندا كارىم ءماسىموۆ مىرزا 20 تامىزدان باستاپ قازاقستاندا ۆاليۋتا ءدالىزى الىنىپ تاستايتىنىن جانە تەڭگە باعامىن ەركىنە جىبەرەتىنىن ايتقان.  پرەمەر-مينيستر مىرزانىڭ ايتۋىنشا، بۇل ۆاليۋتا ايىرباستاۋ كۋرسىنىڭ نىعايىپ تا، السىرەپ تە كەتەتىنىن كورسەتەدى. ونىڭ ايتۋىنشا، تەڭگەنىڭ ايىرباس باعامى نارىقتاعى سۇرانىس پەن ۇسىنىستىڭ ىرگەلى ىشكى جانە سىرتقى ماكروەكونوميكالىق فاكتورلارىن ەسەپكە الۋ نەگىزىندە قۇرىلادى.  " ونىڭ ايتۋىنشا، ۇلتتىق بانك ايىرباس باعامىنىڭ نارىقتاعى دەڭگەيىنىڭ قۇرىلۋىنا ارالاسپايدى، الايدا ول قارجى جۇيەسىندەگى تۇراقسىزدىق ءقاۋپى تۋىنداعان جاعدايدا ۆاليۋتالىق ينتەرۆەنسيا وتكىزۋ جولىمەن ىشكى ۆاليۋتالىق نارىققا قاتىسۋ قۇقىعىن الادى.

مينيسترلەر كابينەتىنىڭ باسشىسى ينفلياسيالىق تارگەتتەۋ رەجيمىنە نەگىزدەلگەن جاڭا اقشا-كرەديت ساياساتىنىڭ جۇزەگە اسىرىلۋىنىڭ ەكونوميكالىق ساياساتتىڭ ستراتەگيالىق ماسەلەلەرىن (وتاندىق ەكونوميكانىق ۇزاق مەرزىمدى تۇراقتى دامۋىنا قول جەتكىزۋگە، ينفلياسيانىڭ تومەن دەڭگەيىنە، ەل حالقىنىڭ جۇمىسپەن قامتىلۋىنىڭ جانە جاعدايىنىڭ دەڭگەيىن كوتەرۋگە) شەشۋگە قولعابىس بولاتىنىن اتاپ ءوتتى.   

"ايىرباس باعامىنىڭ مەملەكەتتىڭ قاتىسۋىنسىز جۇزەگە اسىرىلاتىن نارىقتاعى سۇرانىسى مەن ۇسىنىسى ەكونوميكالىق دامۋدى قايتا قۇرۋعا، كرەديتتىك جانە ينۆەستيسيالىق بەلسەندىلىكتىڭ جوعارىلۋىنا، 3-4 پايىزعا دەيىن ۇزاق مەرزىمدى پەرسپەكتيۆادا جاڭا جۇمىس ورىندارىن اشۋعا قاجەتتى مۇمكىندىكتەردى تۋعىزادى"، - دەدى ءماسىموۆ.

«ءبىز بۇعان ۇزاق دايىندالدىق. وزگە ەلدەردىڭ تاجىريبەسىن قارادىق»، – دەپ اتاپ وتكەن ءماسىموۆ اۆستراليا مەن كانادانىڭ ەكونوميكاسىن باعداردا ۇستاۋ كەرەكتىگىن ايتتى.

ۇكىمەتتىڭ كەلەسى وتىرىسى سەنبى، 22 تامىز كۇنى وتەدى.

نۇرزات توعجان