بۇگىن الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين سۇحبات بارىسىندا قازاقستاندىق مەديسينالىق ۇزدىكسىز بەلىم بەرۋ مەديسينالىق ۋنيۆەرسيتەتىنىڭ ميكروبيولوگيا، ۆيرۋسولوگيا جانە جالپى يممۋنولوگيا كافەدراسىنىڭ پروفەسسورى، مەديسينا عىلىمدارىنىڭ كانديداتى، دوسەنت راۋشان تەسوۆا-بەردالينا قالا تۇرعىندارىن ماسكا رەجيمىن ساقتاۋعا شاقىردى.

«ميكروب اعزادان ول شەكتەلەتىن جەردە شىعادى. كوروناۆيرۋس – بۇل تىنىس جولدارىنىڭ ينفەكسياسى، قوزدىرۋشى اۋىز قۋىسى مەن مۇرىن قۋىسىندا بولادى. سويلەسۋ كەزىندە، تۇشكىرگەندە، جوتەلگەندە قوزدىرۋشى اۋاعا شىعادى. سول سەبەپتى سول سەبەپتى اسىرەسە قوعامدىق كولىكتە ماسكا تاعۋ ادام تۇشكىرگەندە جانە جوتەلگەندە، اۋانىڭ اۋىز بەن مۇرىنعا كىرمەۋى ءۇشىن ماسكا جاقسى قورعانىس بولىپ تابىلادى»، — دەدى راۋشان تەسوۆا-بەردالينا.

سونىمەن بىرگە، ول ماسكانىڭ تيىمدىلىگى ءۇشىن ونى دۇرىس تاعۋ كەرەكتىگىن دە ايتتى.

«ماسكانى دا دۇرىس تاعۋ كەرەك. ول مۇرىن مەن اۋىزدى تىعىز جاۋىپ تۇرۋى ءتيىس. جارتىلاي تۇسىرىلگەن ماسكالار اكسەسسۋار رەتىندە ەمەس، قورعانىش قۇرالى رەتىندە قولدانۋى كەرەك»، — دەپ تولىقتىردى ينفەكسيونيست.

ول بىررەتتىك ماسكالاردى سپيرت جانە باسقا دا انتيسەپتيكالىق قۇرالدارمەن وڭدەۋ ارقىلى كوپ رەت قولدانۋعا بولمايتىنىن ايتتى. ماسكادان شىعاتىن سپيرت بۋىن جۇتۋ مۇرىننىڭ شىرىشتى قابىعىنا زيان تيگىزەدى. بىرنەشە قاباتتان تۇراتىن كوپ رەتتىك ماتادان تىگىلگەن ماسكالار بار. نەگىزىنەن ولار 4-6 قاباتتان تۇرادى. ولاردى جۋۋعا، ۇتىكتەۋگە جانە قايتادان تاعا بەرۋگە بولادى.

سۇحبات بارىسىندا راۋشان تەسوۆا-بەردالينا قورعانىش ماقساتىندا عيماراتتاردا، كەڭسەلەردە ماسكا تاعىپ، جەلدەتىپ وتىرۋ كەرەكتىگىن ەسكە سالدى.

«وسىعان دەيىن ايتقانىمداي ۆيرۋس 20-30 مينۋت ءومىر سۇرەدى. ەگەر جەلدەتۋ، دىمقىل تازالىق رەجيمى بۇزىلعان بولسا، ۆيرۋس 20-30 مينۋتتىڭ ىشىندە بۇكىل ۇجىمعا جۇعۋى مۇمكىن. نەمەسە وسى كولىك قۇرالىنداعى بارلىق جولاۋشىلارعا جۇعۋى مۇمكىن»، — دەپ تولىقتىردى راۋشان تەسوۆا-بەردالينا.

ودان بولەك، دارىگەر ماسكالاردى دۇرىس جويۋعا كەڭەس بەرەدى. بەتتەن الىپ، ءىش جاعىنا قاراي وراپ، ونى سەللوفان قاپشىققا سالىپ، قوقىس كونتەينەرىنە تاستاۋعا قاجەت. وسىلايشا ينفەكسيانىڭ تارالۋىن ازايتۋعا بولادى.

ماسكا رەجيمىن بۇزعانى ءۇشىن اكىمشىلىك جازا قاراستىرىلعانىن ەسكە سالامىز.