قازاقستاننىڭ تۇڭعىش پرەزيدەنتى نۇرسۇلتان نازاربايەۆ دجوزەف بايدەندى اقش پرەزيدەنتى لاۋازىمىنا سايلانۋىمەن قۇتتىقتادى، دەپ حابارلادى elbasy.kz.
نۇرسۇلتان ءابىش ۇلى 2010 جىلى ۆاشينگتوندا يادرولىق قاۋىپسىزدىك جونىندەگى سامميت اياسىندا وتكەن كەزدەسۋدى، سونداي-اق ولاردىڭ اراسىنداعى تەلەفون ارقىلى بولعان كەلىسسوزدەردى جىلى سەزىممەن ەسكە الاتىنىن اتاپ ءوتتى.
ەلباسى قازاقستان مەن اقش اراسىنداعى كەڭەيتىلگەن ستراتەگيالىق سەرىكتەستىك ءارى قاراي دا ەكى ەلدىڭ يگىلىگى جولىندا نىعايا بەرەتىنىنە سەنىم ءبىلدىردى.
سوڭىندا نۇرسۇلتان نازاربايەۆ دجوزەف بايدەنگە مەملەكەتتىك قىزمەتتە تابىس تىلەدى.
پىكىر قالدىرۋ