اقش-تىڭ قازىرگى پرەزيدەنتى دونالد ترامپ سايلاۋدىڭ اياقتالماعانىن، سونىمەن قاتار دەموكرات دجوزەف بايدەننىڭ ءوزىن "جەڭىمپاز" دەپ جاريالاۋعا اسىققانىن ايتىپ، سايلاۋ شتابىندا مالىمدەمە جاسادى، دەپ حابارلادى تاسس اگەنتتىگى.
"بۇل سايلاۋ اياقتالعان جوق. دجو بايدەن ءوزىن جەڭىمپاز دەپ تانىستىرۋعا اسىعاتىنىن ءبارىمىز بىلەمىز. ونىمەن بىرلەسكەن ب ا ق وعان كومەكتەسۋگە تىرىسادى، سەبەبى ولار شىندىقتىڭ اشىلعانىن قالامايدى. بايدەننىڭ شتابى تەك جالعان، داۋىس بەرۋگە قۇقىعى جوق نەمەسە قايتىس بولعان سايلاۋشىلار بەرگەن بيۋللەتەندەردى ەسكەرگىسى كەلەدى" دەلىنگەن ترامپ مالىمدەمەسىندە.
ونىڭ ايتۋىنشا، بايدەن رەسمي تۇردە ەشقانداي شتاتتا جەڭىمپاز بولماعان.
3 قاراشادا اقش-تا پرەزيدەنت سايلاۋ ءوتتى، داۋىستاردى ساناۋ ءالى كۇنگە دەيىن جالعاسۋدا، ءبىراق اقش-تىڭ جەتەكشى بۇقارالىق اقپارات قۇرالدارى بايدەن باسىم بولادى دەپ بولجام جاساعان. Fox News تەلەارناسى مەن Associated Press اگەنتتىگىنىڭ حابارلاۋىنشا، ترامپتى 214 سايلاۋشى قولدادى، ال ونىڭ قارسىلاسى دجو بايدەن 290 داۋىسقا يە بولدى. جەڭىسكە جەتۋ ءۇشىن 270 قاجەت.
پىكىر قالدىرۋ