باكەسەكەلەستىكتى قورعاۋ جانە دامىتۋ اگەنتتىگى زەرتحانالىق قىزمەتتەر مەن جەكە قورعانىس قۇرالدارىنىڭ باعاسى تومەندەگەنىن حابارلادى.
اگەنتتىك تاراتقان اقپاراتتىق حابارلامادا "پرەزيدەنتتىڭ "جاڭا جاعدايداعى قازاقستان: ءىس-قيمىل كەزەڭى" اتتى قازاقستان حالقىنا جولداۋىندا پاندەميا جاعدايىندا ەلىمىزدە قالىپتاسقان كۇردەلى جاعدايدا ازاماتتاردىڭ الەۋمەتتىك كوڭىل-كۇيىنىڭ ماڭىزدىلىعىنا ەرەكشە نازار اۋدارعانى ايتىلعان.
"كوروناۆيرۋستىڭ ەكىنشى تولقىنىنا دايىندىق ماقساتىندا باسەكەلەستىكتى قورعاۋ جانە دامىتۋ اگەنتتىگىنە باعالاردىڭ بارابارلىعىنا تالداۋ جۇرگىزۋ جانە زەرتحانالىق قىزمەتتەر مەن جەكە قورعانىس قۇرالدارىنىڭ باعالىق ساياساتىنا مونيتورينگ جۇرگىزۋ تاپسىرىلدى.
ناتيجەسىندە پتر-تەست باعاسى 36 نارىق سۋبەكتىسىمەن اشىق ساۋدا-وتكىزۋ ساياساتىن كوزدەيتىن مونوپولياعا قارسى كومپلاەنس جاساۋ ارقىلى 18 000-نان 9 000-عا دەيىن تومەندەتىلدى ("وليمپ "كدل" ج ش س جانە "ينۆيۆو" ج ش س 9 مىڭ تەڭگەدەن اسپايتىن باعالاردى بەلگىلەدى، "سۇڭقار" ج ش س جانە "ايگەرىم" ج ش س جەكەلەگەن زەرتحانالارى باعالاردى تيىسىنشە 6 000 جانە 7 000 تەڭگەگە دەيىن تومەندەتتى).
مەديسينالىق ماسكالاردىڭ باعاسىن وندىرۋشىلەر ورتا ەسەپپەن 21 تەڭگە/داناعا دەيىن تومەندەتتى، ديستريبيۋتورلار مەن بولشەك ساۋدا جەلىلەرىنىڭ ۇستەمە باعاسى وندىرۋشىلەرمەن، ديستريبيۋتورلارمەن جانە بولشەك ساۋدا جەلىلەرىمەن مونوپولياعا قارسى كومپلاەنس ازىرلەۋ ارقىلى 20 تەڭگەدەن 3 تەڭگەگە/دانا دەيىن، ورتا ەسەپپەن 60 تەڭگەدەن 26 تەڭگەگە/دانا دەيىن تومەندەدى" دەلىنگەن اگەنتتىك حابارلاماسىندا.
پىكىر قالدىرۋ