قىتايدىڭ شىڭجاڭ ۇيعىر اۆتونوميالىق اۋدانىنىڭ بيلىگى جۇزدەگەن مۇسىلمان يمامدارىن تۇتقىنداعان. "ازات ازيا" باسىلىمىنىڭ اقپاراتىنشا، ولار "ولۋدەن قورقادى". ولاردىڭ جەرلەۋ راسىمدەرىن باقىلايتىن ادام جوق.

حالىقارالىق بوسقىندار جەلىسىنىڭ (ICORN) نورۆەگياداعى قىزمەتكەرى ابدۋۆەلي ايۋپتىڭ ايتۋىنشا، شۇا-داعى تۇرعىندارمەن جۇرگىزىلگەن سۇحباتتاردا كەمىندە 613 يمامنىڭ تۇرمەگە قامالعانى انىقتالعان. 2017 جىلدىڭ باسىنان باستاپ، شىڭجاڭدا ەكى ميلليونعا جۋىق قازاق، ۇيعىر مۇسىلمان ازشىلىقتارى ايماقتاعى لاگەرلەرگە قامالعان.

"ءبىز بۇل ىزدەنىستى 2018 جىلى مامىر ايىندا باستادىق. قاراشادا اياقتالعان سۇحباتتاردىڭ قورىتىندىسىنا سايكەس، ەڭ كوپ نىساناعا الىنعاندار ءدىني قايراتكەرلەر ەكەنىن انىقتادىم. سول كەزدە بىزدە 300-گە جۋىق [ۇستالعان] يمامداردىڭ ءتىزىمى بار ەدى، سودان كەيىن ءبىز سانداردى جاڭارتىپ وتىردىق، ال سوڭعى جاڭارتۋ بولعان ماۋسىمدا دەيىن 613 يمام بولدى" دەدى ICORN قىزمەتكەرى بەيسەنبىدە وتكەن ۆەبيناردا سويلەگەن سوزىندە.