بەلگىلى جۋرناليست جانە ساياساتكەر ەرمۇرات باپي ايتىسكەر اقىن رينات زايتوۆتىڭ "ازاماتتىق پىكىر" باعدارلاماسىنىڭ قوناعى بولىپ جۋرناليست وڭعار قابدەننىڭ "جسدپ پارتياسى ساتىلدى ما؟" دەگەن سۇراعىنا جاۋاپ بەردى.

ەرمۇرات باپي بۇل سۇراققا 2019 جىلدىڭ قىركۇيەگىنەن بەرى جاۋاپ بەرىپ كەلە جاتقانىن، بۇل باعدارلامادان سوڭ وسى تاقىرىپ تۋرالى ايتپايتىنىن مالىمدەدى. 

– نەگىزىندە جسدپ ساتىلعان جوق. مەن ول پارتيانى وتكەن جىلى ءساۋىر ايىندا قابىلداپ العان كەزدە جارماحان تۇياقباي پارتياعا قارىز بولدى. مەن وسى جەردە ءبىرىنشى رەت ايتايىن جارماحان تۇياقباي پارتيا ءۇشىن ءوز تۋىسىنان قارىز العان. پارتيانىڭ الدەبىر شىعىندارىن جابۋعا. ونى بەرە الماي كەلدى.پارتيا مەنىڭ قولىما وتكەندە سول تۋىسقانى كەلىپ "اقشا قايدا؟" دەيدى عوي. ول 200 مىڭ دوللار قارىز بولعان. سول قارىزدى مەن موينىما الدىم. مەن ءوزى پارتيانىڭ سول كەزدەگى ارىپتەستەرى اكەجان قاجىگەلدين مەن بەرگەي رىسقالييەۆ، باسقا ازاماتتار بار، ىشىندە سەرىكجان مامبەتالين بار بارىمەن اقىلداستىم. ولار ايتتى "200 مىڭ تابامىز، پارتيانى ال" دەپ. جارماحان پارتيانى تەك قانا ماعان بەرەمىن دەگەن. بۇل مەن كەرەمەت بولعاننان ەمەس، "تازاسىڭ، ادالسىڭ" دەگەن سوڭ. كەيىن پارتيا رەسمي ماعان ءوتتى، قارىزى دا ماعان ءوتتى. مەن جاڭاعى تۋىسقانىنا قولحات جازىپ بەردىم، پارتيا ارى قاراي جۇمىس ىستەپ كەتتى. 100 مىڭ قارىز قايتارىلدى. قالعانىن ارىپتەس بەرگەي رىسقالييەۆ سوزباقتاپ ءجۇرىپ الدى. ودان سەزد كەلدى، توڭكەرىس بولدى. مەنى پارتيادان شىعارىپ تاستادى. توڭكەرىستىڭ ءبىر جاعى بەرگەي مەن كارىم ءماسىموۆتىڭ اراسىنداعى ارسىز ىمىرا. حالىقتىڭ مۇددەسىن ساتىپ كەتكەن ىمىرا،- دەيدى ساياساتكەر.

سۇقباتتىڭ تولىق نۇسقاسىن تومەندەگى ۆيدەودان كورە الاسىز↓