ءماجىلىس سايلاۋىنا بويكوت جاريالاپ، ميتينگكە شىققان بەلسەندى جانبولات ماماي مەن ونىڭ جاقتاستارى جانە "Oyan، Qazaqstan" قوزعالىسىنىڭ مۇشەلەرى رەسپۋبليكا الاڭىندا الىگە دەيىن پوليسيا قورشاۋىندا تۇر. 8 ساعاتتان بەرى ءبىر ورىندا تۇرعان بەلسەندىلەردىڭ كەيبىرىنىڭ دەنساۋلىعى سىر بەرىپ، جەدەل جاردەم شاقىرۋعا تۋرا كەلگەن. بۇل تۋرالى بەلسەندى ينگا يمانباي facebook پاراقشاسىندا حابارلادى.. 

– دەموكراتيالىق پارتيانىڭ بەلسەندىسى ارۋجان دۇيسەبايەۆانى ەس-تۇسسىز كۇيدە جەدەل جاردەم كولىگىمەن الىپ كەتتى. 8 ساعات بويى سۋىق پەن اشتىقتا تۇرعاننان اۋىرىپ قالدى. دەمپارتيالىقتار مەن جانبولات مامايدى ءالى ومون-دار قورشاپ تۇر، – دەپ جازدى ينگا يمانباي.

سونداي-اق "Oyan، Qazaqstan" قوزعالىسىنىڭ وكىلى اسەم جاپيشيەۆا دا اۋىرىپ، جەدەل جاردەممەن اۋرۋحاناعا جەتكىزىلدى.

– اسەم جاپيشيەۆا جەدەل جاردەم ارقىلى 12 اۋرۋحاناعا جەتكىزىلدى! جانبولات ماماي مەن ونىڭ جاقتاستارى الاڭدا 8 ساعاتتان استام ۋاقىتتان بەرى تۇر، – دەپ جازدى يمانباي.

نارازىلار قورشاۋعا الىنعالى ءنار تاتپادى. ايتۋلارىنشا، دارەتحاناعا جىبەرمەگەندىكتەن، تۇرعان جەرلەرىندە دارەت سىندىرۋعا تۋرا كەلگەن.

تاعى وقىڭىز:

♦ "داريعا كەلمە"، "ەرماحان قارابەت"، "ماماي قۇمالاق". سايلاۋ كۇنگى الماتىداعى ميتينگ