الماتى وبلىستىق پارتيا فيليالىنىڭ ءتوراعاسى اماندىق باتالوۆتىڭ جانە پارتيا فيليالى ساياسي كەڭەس بيۋروسىنىڭ ۇسىنىسىمەن الماتى وبلىستىق ءماسليحاتىنىڭ حاتشىسى قىزمەتىنە 15 قاڭتار كۇنگى وتكەن وبلىستىق ءماسليحات سەسسياسىندا جانبولات اكەباي ۇلى جورگەنبايەۆ سايلاندى.

وبلىستىق ءماسليحات سەسسياسىنىڭ وتىرىسىندا ءوڭىر باسشىسى اماندىق باتالوۆ جاڭا ماسليحات حاتشىسىن قۇتتىقتاپ، VII شاقىرىلىمنىڭ العاشقى سەسسياسىندا حالىق قالاۋلىلارىنا تابىستى جۇمىس اتقاراتۋعا ساتتىلىك تىلەدى.

جانبولات اكەباي ۇلى كەگەن اۋدانىندا قارقارا ەت جانە ءسۇت سوۆحوزىندا قىزمەتكەر جۇمىسىنان باستاپ، ءار جىلدارى تالعار اۋدانىندا اۋىل اكىمشىلىگىندە جۇمىس ىستەپ، ءبىرقاتار اۋدان-قالا ورتالىقتارىندا اكىم ورىنباسارى قىزمەتتەرىن اتقاردى. «ەدىل اقسۋ»، «اقسۋ»، «قاراساي قۇرىلىس» ج ش س مەكەمەلەرىندە جاۋاپتى باسشىلىق قىزمەتتەرىن جۇرگىزدى. سوڭعى قىزمەتى 2019 جىلدىڭ جەلتوقسان ايىنان باستاپ «Nur Otan» پارتياسى الماتى وبلىستىق فيليالى ءتوراعاسىنىڭ ءبىرىنشى ورىنباسارى لاۋازىمىن اتقاردى.