بۇگىنگى كۇنگە دەيىن بەلارۋس رەسپۋبليكاسى ورتالىق سايلاۋ كوميسسياسىنا ەل پرەزيدەنتتىگىنە كانديدات رەتىندە بەس ۇمىتكەردىڭ قۇجاتى تاپسىرىلعان. بۇل تۋرالى «قامشى» پورتالى بەلرۋسيالىق  «بەلتا» تەلەارناسىنا سىلتەمە جاساي وتىرىپ حابارلايدى.

بەلورۋسيالىق اقپارات قۇرالدارىنىڭ مالىمەتىنە سۇيەنسەك، قازىرگى تاڭدا ورتالىق سايلاۋ كوميسسياسىنىڭ تىركەۋىنە قازىرگى ەل پرەزيدەنتى الەكساندر لۋكاشەنكو مەن قاتار تاتيانا كوروتكيەۆيچ، سەرگەي گايدۋكيەۆيچ، نيكولاي ۋلاحوۆيچ قۇجاتتار تاپسىرعان. سونداي-اق، قاجەتتى 10 مىڭ سەنىمدى قولتاڭبا جيناي الماعان ۆيكتور تەرەششەنكو دا قۇجات تاپسىردى. بۇل تۋرالى www.nur.kz سايتى جازعان بولاتىن.

تىركەۋ كەزەڭىنە ناقتى ءتورت الەۋەتتى كانديدات تىركەلگەنى قول قويۋ پاراعىن تەكسەرۋ ناتيجەلەرىن جاريالاعاننان كەيىن بەلگىلى بولدى. الەكساندر لۋكاشەنكونى قولداپ قول قويعانداردىڭ سانى 1 753 380 (1 761 145 تاپسىرىلعان)، نيكولاي ءۋلاحوۆيچتى – 149 819 (159 805 تاپسىرىلعان)، سەرگەي گايدۋكيەۆيچتى – 139 877 (141 842 تاپسىرىلعان) ، تاتيانا كوروتكيەۆيچتى – 105 278 (107 299 تاپسىرىلعان) ادام قولداپ قول قويعان.

سايلاۋ كوميسسياسى كەلەسى كەزەڭدە جوعارى مەملەكەتتىك ورىنتاققا ۇمىتكەرلەردى تىركەيدى، ونى وسك 11 قىركۇيەكتە سايلاۋ الدى ۇگىتتەۋ مەن ناسيحاتتىڭ تولىق كەزەڭىن باستاۋ ءۇشىن 10 قىركۇيەكتە وتكىزۋدى جوسپارلاۋدا. باق-قا ءوز باعدارلامالارىن جاريالاعاننان باسقا ۇمىتكەرلەردىڭ 14-25 قىركۇيەك ارالىعىندا «بەلارۋس» ارناسىنان تەگىن ءسوز سويلەۋگە مۇمكىندىكتەرى بار. بۇدان باسقا، ۇمىتكەرلەرگە جۇمىس كۇندەرى 21 قىركۇيەك – 2 قازان ارالىعىندا راديودا ءسوز سويلەۋگە ۋاقىت بەرىلەدى.

تەلەپىكىرسايىس 3 قازاندا وتەدى.

بەلارۋس ەلىندە پرەزيدەنتتىك سايلاۋ 11 قازانعا بەلگىلەنگەن.

«قامشى» سىلتەيدى