قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ اقمولا وبلىسىنداعى ءىسساپارىندا ب ا ق وكىلدەرىنە بەنزين باعاسىنىڭ كوتەرىلۋىنە قاتىستى پىكىرىن  ءبىلدىردى. بۇل تۋرالى «قامشى» پورتالى  تengrinews.kz –كە سىلتەمە جاساي وتىرىپ حابارلايدى.

"اي-92-95 بەنزينىنىڭ 30 پايىزىن ءبىز رەسەيدەن ساتىپ الامىز. ەگەر ءبىز ولاي  جاساماساق،بىزدە ءبىر ايدان كەيىن بەنزين مۇلدە بولمايتىن ەدى"، - دەدى مەملەكەت باسشىسى ءوز سوزىندە.

"بۇل ەكونوميكا زاڭدارى.وعان ەشتەڭە ىستەي المايسىڭ.  بءىز ورتاق (ەكونوميكالىق) كەڭىستىكتەمىز: كەدەن جوق، شەكارا اشىق. سوندىقتان شارا قولدانىپ، بارلىعىنا تۇسىنىستىكپەن قاراۋعا تۋرا كەلەدى. ەگەر ادام 100 مىڭ دوللارعا جول تالعامايتىن كولىك ساتىپ الا السا، وندا جانارمايدى دا دۇرىس قۇيسىن"، - دەدى نۇرسۇلتان نازاربايەۆ.

سونىمەن قاتار، ق ر ەنەرگەتيكا ءمينيسترى ۆلاديمير شكولنيك قازاقستاندا اي-92/93 ماركالى بەنزين باعاسىنىڭ 140-150 تەڭگەگە جەتۋى مۇمكىن ەكەنىن حابارلادى.

«قامشى» سىلتەيدى