رەسمي مالىمەتتەرگە سۇيەنسەك، 2015 جىلدىڭ 1-قاڭتارىنداعى ەسەپ بويىنشا، 150 436 قازاقستاندىق ونكواۋرۋلار بويىنشا ەسەپتە تۇر.  بۇل تۋرالى «قامشى» پورتالى قازاق ونكولوگيا جانە راديولوگيا عزي باسپا ءسوز ورتالىعىنا سىلتەمە جاساي وتىرىپ حابارلايدى. 2013 جىلى بۇل كورسەتكىش 146 404 بولعان ەدى. قاتەرلى دەرتكە شالدىققاندار سانىنىڭ كوبەيۋى وبىردى العاشقى ساتىسىندا انىقتاۋ مۇمكىندىگىنىڭ ارتۋىمەن تىكەلەي بايلانىستى. جىل سايىن قاتەرلى ىسىكتەن  17000 مىڭ ادام كوز جۇمادى. ءولىم-جىتىم بويىنشا ونكولوگيالىق اۋرۋلار ەكىنشى ورىندا تۇر.  دەمەك، وتانداستارىمىزدىڭ اتالمىش اۋرۋدان ايىعىپ كەتۋىنە دارىگەرلەر تاراپىنان مول ىزدەنىس قاجەت.

شەتەلدىك 13 عالىم 2 كۇن بويى وتاندىق ونكولوگيا قىزمەتىنىڭ قۇرىلىمى، قاتەرلى ىسىكتى ەرتە ساتىسىندا انىقتاۋ باعدارلامالارى جانە تىركەۋگە الۋ، قويۋ جۇيەسىمەن تانىستى. قوناقتار ونكوينستيتۋتتىڭ نەگىزگى باعىتتارى تۋرالى اقپارات الىپ، ءتۇرلى بولىمدەر مەن ورتالىقتار جۇمىسىن باقىلادى. سكرينينگ باعدارلامالارى بويىنشا دا وزگە قالالىق ەمحانالاردا بولىپ قايتتى. ساپار سوڭىندا اقش-تان كەلگەن دەلەگاسيانى ق ر دەنساۋلىق ساقتاۋ جانە الەۋمەتتىك دامۋ ۆيسە-مينيسترى الەكساندر سوي قابىلداپ، ەكىجاقتى كەلىسسوزدەر جۇرگىزىلدى.

 «قامشى» سىلتەيدى