ءماجىلىس ءتوراعاسى نۇرلان نىعماتۋلين ينتەگراسيالىق بىرلەستىكتەردىڭ جۇمىس ورگاندارىندا قازاقستاننىڭ بىركەلكى وكىلدىك ەتۋ قاعيداتىنىڭ ساقتالۋىنا قاتىستى پىكىر ءبىلدىردى.
بۇگىن ءماجىلىستىڭ جالپى وتىرىسىندا كەدەن وداعىنا مۇشە مەملەكەتتەردىڭ كەدەن قىزمەتتەرىنىڭ بىرىككەن القاسى تۋرالى شارتقا راتيفيكاسيالىق تۇزەتۋلەردى قاراۋ بارىسىندا دەپۋتاتتار 10 جۇمىس توبىنىڭ ىشىنەن ءتۇرلى باعىتتار بويىنشا بىرىككەن ارىپتەستىك شەڭبەرىندە تەك بىرەۋىن قازاقستاندىق تاراپ، ال 9-ىن رەسەي وكىلدەرى باسقاراتىنىنا نازار اۋداردى.
ءماجىلىس ءتوراعاسى نۇرلان نىعماتۋلين بۇل ماسەلەنىڭ قازاقستاننىڭ مۇددەسىن قورعاۋ ءۇشىن ماڭىزدىلىعىن ايتىپ، دەپۋتاتتار بارلىق پارلامەنتتىك ينتەگراسيالىق بىرلەستىكتەردەگى جۇمىس تاسىلدەرىن وزگەرتۋ ءۇشىن كوپتەگەن شارالاردى قولعا الىپ كەلە جاتقانىنا نازار اۋداردى.
ن.ءنىعماتۋليننىڭ پىكىرىنشە، وسىنداي قادامداردى جۇمىس ورگاندارىندا دا جاساۋ كەرەك.
پىكىر قالدىرۋ