قولدانۋشىلاردىڭ ءبىرى تاياۋدا YouTube ۆيدەوحوستينگىندەگى ارناسىنا ۆيدەو جاريالادى. اۆتوردىڭ ايتۋىنشا، ۆيدەو امەريكالىق ايداحو شتاتىنداعى بويسە قالاسىندا ءتۇسىرىلدى. بۇل تۋرالى "قامشى" پورتالى http://tengrinews.kz/ كە سىلتەمە جاساي وتىرىپ حابارلايدى.
بەينەجازبادا بەيمالىم قۇس ۇشىپ جۇرەدى، كەسكىنى ءبىزدىڭ زامانىمىزدان بۇرىن تىرشىلىك ەتكەن پتەروزاۆرعا ۇقسايدى. بەيمالىم قۇس ۆيدەودا 10 سەكۋندتاي كورىنەدى. كادرلاردى جاقىنداتىپ كورگەندە دە قۇس ىقىلىم زاماننىڭ تىرشىلىك يەسىنەن اۋمايدى - وزىنە ءتان جوتاسىن جانە كەڭ جازىلعان قاناتىن بايقاۋعا بولادى. ال سكەپتيكتەر بولسا وبەكتيۆكە جارعاناتتىڭ ءتۇسىپ قالعانىن ايتادى. عالىمدار بۇل روليككە قاتىستى تۇسىنىك بەرمەدى. ايتا كەتەيىك، پتەروزاۆرلار مەزوزوي كەزەڭىندە تىرشىلىك ەتكەن. بۇل ءتۇردىڭ جويىلىپ كەتۋى دينوزاۆرلاردىڭ قۇرىپ كەتۋ ۋاقىتىمەن تۇسپا-تۇس كەلەدى، ياعني 65 ميلليون جىل بۇرىن. پتەروزاۆردىڭ قاناتىنىڭ ۇزىندىعى 11 مەتر.
