ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى «اسسيتەج» دۇنيەجۇزىلىك اسسوسياسياسىنىڭ قازاقستانداعى ورتالىعى بولىپ جاريالاندى. بۇل تۋرالى «قامشى» پورتالى حابارلايدى.
الەمنىڭ 83 مەملەكەتى قاتىساتىن بۇل ۇيىمدار قاتارىنا تۇڭعىش رەت مەملەكەتىمىزدىڭ ونەر وشاقتارى 84ء-شى بولىپ قابىلداندى.
ايتا كەتسەك، «اسسيتەج» دۇنيەجۇزىلىك بالالار مەن جاسوسپىرىمدەر تەاترلار اسسوسياسياسى 1965 جىلى قۇرىلعان. ۇيىمنىڭ نەگىزگى ماقساتى – بالالار مەن جاسوسپىرىمدەردى تەاتر الەمىنە قىزىقتىرۋ، تەاتر ونەرىن ناسيحاتتاۋ. ولاردىڭ ءومىرىن تەاتر ونەرىمەن بايلانىستىرۋ جانە تەاتردىڭ عاجايىپ قىر-سىرىن كورسەتىپ، ۇلكەن مۇمكىنشىلىكتەرگە قالاي قول جەتكىزۋگە بولاتىندىعىن كورسەتۋ.
اسسيتەج – دۇنيە جۇزىندەگى بالالار مەن جاسوسپىرىمدەر تەاترلارىمەن بىرىگە جۇمىس ىستەپ، تاجىريبە، ۇلتتىق داستۇرلەرمەن الماسۋعا مۇمكىندىك بەرەدى.
«اسسيتەج» دۇنيەجۇزىلىك اسسوسياسياسىنىڭ قازاقستانداعى ۇيىمىنىڭ مۇشەلەرى:
- ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى؛
- استانا جاستار تەاترى؛
- ت.جۇرگەنوۆ اتىنداعى قازاق ۇلتتىق ونەر اكادەمياسى؛
- ج.ەلەبەكوۆ اتىنداعى رەسپۋبليكالىق ەسترادا جانە سيرك كوللەدجى؛
- ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ كوللەدجى.
