19 جەلتوقسان كۇنى كەشكە جاقىن ماسكەۋدەگى كۋتۋزوۆ داڭعىلىندا جول اپاتى ورىن الدى. ءتورت اۆتوكولىكتىڭ سوقتىعىسۋى سالدارىنان داعىستاننىڭ ۆيسە-پرەمەرى، بەلگىلى رەسەيلىك قوعام جانە مەملەكەت قايراتكەرى گادجي ماحاچيەۆ قايتىس بولعان. بۇل تۋرالى tengrinews.kz سايتى حابارلادى. ودان وزگە جول اپاتىندا تاعى ەكى ادام كوز جۇمدى. وندا بولعان بالالار مەن باسقا ادامدار جاراقاتتار العان. جوعارى قىزمەتتەگى قايراتكەردىڭ قايعىلى قازاسى تۋرالى حاباردى رەسەيلىك ب ا ق قۇرالدارى قۇقىق قورعاۋ مەكەمەلەرىنە سىلتەمە جاساي وتىرىپ بەرگەن بولاتىن. كەيىننەن، بۇل اقپاراتتىڭ سەنىمدىلىگىن ماسكەۋلىك پوليسيا قىزمەتىنىڭ وكىلدەرى راستادى. جول اپاتىندا ۆيسە-پرەمەردىڭ ايەلى مەن بالالارى دا زارداپ شەككەنى بەلگىلى بولدى. اۋىر جاراقاتتار العان ولارعا جەدەل جاردەم قىزمەتى كورسەتىلگەن. قازىرگى ۋاقىتتا وقيعانىڭ سەبەپتەرى انىقتالۋدا. ماسكەۋدىڭ ريا نوۆوستي مەملەكەتتىك اۆتوينسپەكسياسىنىڭ باسپا ءسوز قىزمەتى اپاتقا كىنالى Mercedes GL كولىگى دەگەندى العا تارتىپ وتىر. رولدە ماحاچيەۆتىڭ ءوزى بولعان بولۋى مۇمكىن دەگەن بولجام بار. وسى ارالىقتا اپاتقا كۋا بولعاندار جانىپ جاتقان اۆتوكولىكتى تاسپاعا جازىپ، youtobe-قا سالىپ ۇلگەرگەن. گادجي ماحاچيەۆ 1951 جىلى 19 ناۋرىزدا حاساۆيۋرتادا تۋىلعان. ول "ەدينايا روسسيا" پارتياسىنىڭ مۇشەسى جانە ەكى رەت گوسدۋمانىڭ دەپۋتاتى بولىپ سايلانعان. ءوز ومىرىنە بىرنەشە رەت ءقاۋىپ تونگەن (1992، 2003، 2006 جىلدار). qamshy.kz
پىكىر قالدىرۋ