نۇرسۇلتان نازاربايەۆتىڭ فۋا-گرا تۋرالى سوزىنە قاتىستى قاتىستى پرەزيدەنتتىڭ باسپا ءسوز حاتشىسى داۋرەن ابايەۆ تۇسىنىكتەمە بەردى. بۇل تۋرالى «قامشى» پورتالى Tengrinews.kz –كە سىلتەمە جاساي وتىرىپ حابارلايدى.
ول فۋا-گرا جايلى “بەينەلەي ايتقان ءسوزدىڭ” الەۋمەتتىك جەلىلەردە كوپ تالقىلانعانىن مەملەكەت باسشىسىنىڭ ەستىگەنىن ايتتى.
“ارينە نۇرسۇلتان ءابىش ۇلى الەۋمەتتىك جەلىلەردە نە بولىپ جاتقانىن بىلەدى، ول ينتەرنەت قولدانۋشىلارىنىڭ فۋا-گرا جايلى قالجىڭدارىنا ازىلمەن جانە تۇسىنىستىكپەن قارادى. سونىمەن بىرگە، ول ءوزىنىڭ بەينەلەي ايتقان ءسوزىنىڭ دوللاردىڭ قىمباتتاۋى مەن جانار-جاعارماي قۇنىنىڭ كوتەرىلگەنىنەن كەيىنگى كوڭىل-كۇيدى شيراتىپ الۋعا ءبىر سەبەپ بولعانىن دا تۇسىنەدى”، – دەدى نازاربايەۆتىڭ باسپا ءسوز حاتشىسى.
“ءبىراق سىزدەر مەملەكەت باسشىسىنىڭ تىعىز جۇمىس كەستەسىن كورىپ وتىرسىزدار، ول دەمالىسسىز جۇمىس ىستەيدى، ەلدەردىڭ باسشىلارىمەن كەزدەسەدى جانە قازاقستان ازاماتتارىنىڭ اماندىعى ءۇشىن جۇمىس ىستەيدى. ماسەلەن، 30 جانە 31 تامىزدا مەملەكەت باسشىسى قىتايدا جۇمىس ىستەپ جاتتى، ال بۇل ۋاقىتتا قازاقستاندىقتار دەمالىپ جاتىر ەدى”، – دەپ اتاپ ءوتتى داۋرەن ابايەۆ.
ەسكە سالساق، اقمولا وبلىسىنا كەلگەن نۇرسۇلتان نازاربايەۆ اقمولا، قوستاناي جانە سولتۇستىك قازاقستان اكىمدەرىمەن وتىرىس وتكىزگەن بولاتىن.
نازاربايەۆ ۇكىمەتتىڭ جانار-جاعارماي ماتەريالدارىنا باعانى مەملەكەتتىك رەتتەۋدەن باس تارتۋىنا قاتىستى پىكىرىن ءبىلدىرىپ، قازاقستان تۇرعىندارىنا شەتەلدىك تاۋارلاردان باس تارتۋعا كەڭەس بەرگەن بولاتىن.
«ولارسىز دا ءومىر سۇرۋگە بولادى. سولاي ەمەس پە؟ فۋا-گرا، بانانسىز. ەڭ ۇلكەن «لەند كرۋزەر» مىنبەي-اق تا ءومىر سۇرۋگە بولادى ەمەس پە؟ ءومىر سۇرۋگە قاجەتتى زاتتاردىڭ ءبارى بىزدە بار»، – دەپ پىكىرىن بىلدىرگەن پرەزيدەنت.
ەلباسىنىڭ بۇل ءازىلى الەۋمەتتىك جەلىلەردە جىلدام تاراپتالقىلاندى. كوبىسى «فۋا-گرا دەگەن نە، ونى نەمەن جەۋگە بولادى؟» دەگەن سۇراقتىڭ جاۋابىن ىزدەۋگە كىرىسكەن.
