ءبىز كەشە جاستىقتىڭ جەلىگiمەن نەشە كلۋب قۇرىپ، نەشە ۇيىم اشىپ، سولقىلداپ جۇرگەندە، ول ومىرگە وتە رەاليستىك كوزقاراسپەن قارايتىن ساباز-اق ەدى. ءبىزدىڭ تىرلىگىمىزگە قاراپ ءبىر مىرس ەتىپ كۇلەتىن دە، كىتاپتارىنا شۇقشياتىن... ەندى «لوپاست» كەرىسىنشە اينالدى. الگى رەاليسىم مۇلگىدى. ول ەكەۋمىز بەس جىلدىڭ بەلەسىندە جولىقتىق. سوندا ونىڭ ايتقانى بىلاي ەدى: «ءبىز يادرولىق قارۋدان باس تارقان ەلمىز ءھام وسىمەن ماقتانۋىمىز كەرەك»، - دەيدى. و، نەتكەن گۋمانيست! ادامزاتقا بەيقۇت ءومىر تىلەپ جۇرگەن ونىڭ ءسوزى قول سوقتىرارلىق. 
ماعان سوندا مىناداي وي كەلدى: كەنەسارى حانىڭ تۇسىندا بار مىقتى قارۋىمىز؛ قولدان سوققان شامقال، كۇلدىر-ماماي ءھام ءشيتى مىلتىق-تىن. ولار سول قارۋلارىمەن مۇزداي تەمىر قۇرسانعان پاتشا وكىمەتىمەن سوعىستى. ەسەپ 300:0. سول تۇستاعى قازاقتاردىڭ گۋمانيستىك-بەيبىتشىلدىگى ۇستاپ «ءبىز زەڭبىرەكسىز ەلمىز» دەپ ماقتانسا... ەرىكسىز ەزۋ تارتار ەدىڭىز. ەرتەڭ ءسىز دە سويتەسىز...

باقىتبەك قادىر ۇلى