بۇل تۋرالى ق ر ەنەرگەتيكا ۆيسە-مينيسترى ماعزۇم مىرزاعالييەۆتىڭ قاتىسۋىمەن وتكەن مۇناي سەرۆيسىن،  ايماقتاعى ينجينيريگ جانە  كادرلاردى ازىرلەۋ ورتالىعىن قۇرۋ ماسەلەلەرى بويىنشا وتكەن ءماجىلىس بارىسىندا ماڭعىستاۋ وبلىسىنىڭ اكىمى اليك ايداربايەۆ حابارلادى.

اليك ايداربايەۆ ماڭعىستاۋ وبلىسىن دامىتۋدىڭ كەلەشەككە ارنالعان ءىس-شارالار جوسپارىنىڭ ءبىر پۋنكتىن جانە ق ر ۇكىمەتىنىڭ قاۋلىسىمەن بەكىتىلگەن ق ر پەرسپەكتيۆالى ۇلتتىق كلاستەرلەرىن قالىپتاستىرۋدىڭ2020 جىلعا دەيىنگى تۇجىرىمداماسىن ورىنداۋ اياسىندا 2014 جىلى اقتاۋ قالاسىندا مۇناي سەرۆيسى كلاستەرىن قۇرۋ تۇجىرىمداماسىن ازىرلەۋ بويىنشا جۇمىستار باستالعانىن اتاپ ءوتتى.

- دۇنيە ءجۇزىنىڭ ءبىرقاتار الدىڭعى قاتارلى كەڭەس بەرۋ كومپانيالارىنىڭ پىكىرىنە سايكەس، ماڭعىستاۋ وبلىسى كاسپيي اۋماعىنداعى № 1 ايماقتىق مۇناي سەرۆيسى كلاستەرىن قۇرۋدىڭ بارلىق مۇمكىندىكتەرىنە يە. وبلىستىڭ گەوگرافيالىق جاعدايى، الەمدىك كومپانيالار-مەتالل وڭدەۋدىڭ كوشباسشىلارى كەپپەل، سايپەم جانە روزەتتي  كاسىپورىندارىمەن سالىنعان ينۆەستيسيانىڭ جوعارى پايىزى، كوپ مولشەردەگى عىلىمي-زەرتتەۋ جانە جوبالاۋ ۇيىمدارىنىڭ ورنالاسۋى ايماقتىڭ شىنايى باسىمداقتارى بولىپ تابىلادى. بۇدان باسقا، بۇگىندە ش.ەسەنوۆ اتىنداعى كاسپيي مەملەكەتتىك تەحنولوگيالار جانە ينجينيرينگ ۋنيۆەرسيتەتىندە ماگدەبۋرگ ينستيتۋتىمەن بىرلەسىپ ينجەنەرلەر دايىنداۋ ءۇشىن ورتالىق ازياعا ارنالعان ينجينيرينگ ورتالىعىن قۇرۋ بويىنشا جوبانىڭ جوبالىق-سمەتالىق قۇجاتتاماسى ازىرلەندى.  ءبىز ايماقتا مۇناي سەرۆيسى ءوندىرىسىن قۇرۋ بويىنشا ينۆەستورلارمەن جۇمىس ىستەۋگە دايىنبىز، سونىمەن قاتار ءبىزدىڭ جوبالاۋ ۇيىمدارىمىز بەن وندىرىستىك كومپانيالارىمىز دا وعان قاتىسۋعا قىزىعۋشىلىق تانىتۋدا، - دەپ اتاپ ايتتى اليك ايداربايەۆ.

 ايماق باسشىسى ەلدەگى مۇناي ونىمدەرىن ازىرلەۋ جوبالارىن جۇزەگە اسىرۋعا قاتىناسۋشى جوبالاۋ كومپانيالارىن قازاقستان اۋماعىندا فيليالدار مەن بىرلەسكەن كاسىپورىندار اشۋعا مىندەتتەۋدى ۇسىندى، بۇل ءوز كەزەگىندە جەرگىلىكتى ۇيىمداردىڭ ءوندىرىس قۇرۋعا قاتىناسۋلارىنا شىنايى مۇمكىندىك بەرەدى.

 ءماجىلىس قورىتىندىلارى بويىنشا ەنەرگەتيكا، يندۋستريا جانە جاڭا تەحنولوگيالار مينيسترلىگى، ماڭعىستاۋ وبلىسى اكىمدىگى، ق ر جانە كاسپيي اۋماعىنىڭ مۇناي-گاز جانە مۇناي سەرۆيسى كومپانيالارى، «سامۇرىق-قازىنا» ۇلتتىق ءال-اۋقات قورى توپتارىنىڭ مۇشەلەرىمەن قارقىندى كۇندەلىكتى جۇمىس ىستەۋ ءۇشىن بىرلەسكەن جۇمىسشى توبى قۇرىلدى، سونىمەن قاتار جوبانىڭ جۇزەگە اسىرىلۋىنىڭ اي سايىنعى احۋالىن قاداعالاۋعا ارنالعان باسقارۋشى كوميتەت تاعايىندالدى.