11 قىركۇيەك كۇنى قوستاناي جانە اقتوبە  وبلىستارى اكىمدەرى قىزمەتتەرىنەن بوساتىلۋى مۇمكىن. بۇل تۋرالى «قامشى» پورتالى يا نوۆوستي-كازاحستان باسىلىمىنا سىلتەمە جاسايدى.

ال قازتاگ اگەنتتىگىنىڭ اقپاراتىنا سۇيەنسەك، قوستاناي وبلىسى اكىمى قىزمەتىنە ءۇش بىردەي كىشى شەنەۋنىكتىڭ كانديداتۋراسى قاراستىرىلۋدا. ولاردىڭ ىشىندە قازىرگى وبلىس اكىمىنىڭ ورىنباسارى گاۋەز نۇرمۇحامبەتوۆ تە بار.

قازىرگى تاڭدا قوستاناي وبلىسى اكىمى قىزمەتىن نۇرالى سادۋاقاسوۆ اتقارۋدا.  سادۋاقاسوۆ 1964 جىلى 28 قاراشدا دۇنيەگە كەلگەن. 2004 جىلى قوستاناي قالاسى اكىمى بولىپ تاعايىندالعان. 2012 جىلدان باستاپ وبلىس تىزگىنىن ۇستاپ كەلەدى.

ال اقتوبە ءوبلىسىنىڭ قازىرگى اكىمى ارحيمەد مۇحامبەتوۆ اتقارۋدا. 2008 جىلى اقتوبە قالاسى اكىمى، ال 2011 جىلى اقتوبە وبلىسى اكىمى بولىپ تاعايىندالعان.

اكىمدەردىڭ نە ءۇشىن قىزمەتتەرىنەن كەتەتىنى تۋرالى ناقتى اقپاراتتار جاريالانباعان.

ەستەرىڭىزدە بولسا، كەشە قوستاناي قالاسىنىڭ ەكس-اكىمى احمەدبەك احمەتجانوۆ قاماۋعا الىنعان بولاتىن. ول ءوزىنىڭ قىزمەتتىك مانسابىن جەكە باسىنا پايدالانعانى ءۇشىن ايىپتالىپ، سوتتا ءوز كىناسىن مويىنداعان. ال قۇقىق قورعاۋ قىزمەتكەرلەرى ونىڭ ەكى بىردەي ورىنباسارىن قاماۋعا العاننان كەيىن، ەكس-اكىم ءوز ەركىمەن وتستاۆكاعا كەتكەن بولاتىن.

نۇرزحات توعجان

«قامشى» پورتالى