كەشە قىرعىزستان رەسپۋبليكاسى پرەمەر-مينيسترى تەمىر سارييەۆ قىرعىز ۇكىمەتىنىڭ كەزەكتى وتىرىسىندا رەسەيدىڭ مەملەكەتتىك تىلىندە بايانداما جاساعان مينيسترلەرگە ەسكەرتۋ جاساپ، سوگىس ايتقان. بۇل تۋرالى «قامشى» پورتالى kyrtag.kg اگەنتتىگىنە سىلتەمە جاساي وتىرىپ حابارلايدى.

كەشە قىرعىزستاننىڭ ۇكىمەتىندەگى كەزەكتى وتىرىستا ەل پرەمەر-مينيسترى تەمىر سارنييەۆ ورىس تىلىندە بايانداما جاساعان مينيسترلەرگە ەسكەرتۋ جاساپ، سوگىس جاريالاعان.

ۇكىمەت وتىرىسىندا بارلىعى ءۇش ماسەلە قارالعان. ءبىرىنشى بولىپ، قىرعىزستاننىڭ ەكونوميكا ءمينيسترى ولەگ پانكراتوۆ ءبىرىنشى جارتى جىلدىقتىڭ قورىتىندى ەسەبىن بەرگەن. ادەتتەگىدەي بايانداما ورىس تىلىندە جاسالعان. ەكىنشى بولىپ ءسوز العان قىرعىزستان قورعانىس ءمينيسترى ابيبيللا قۋدايبەردييەۆ تە ءوز بايانداماسىن كەڭەستىڭ تىلىندە جاساعان. ءۇشىنشى ماسەلە بويىنشا ءسوز كەزەگى ءقىرعىزستاننىڭ ادىلەت ءمينيسترى جىلدىز مامبەتالييەۆكە تيگەندە، مينيستر حانىم دا ءوز بايانداماسىن جاساۋ ءۇشىن رەسەيدىڭ مەملەكەتتىك تىلىنە جۇگىنگەن.

بۇعان شامدانعان پرەمەر-مينيستر تەمىر سارييەۆ مينيسترلەرگە ەسكەرتۋ جاساعان.

«قاراڭىزدارشى، بارلىق ءۇش بايانداما دا ورىس تىلىندە جاسالدى. بارلىقتارىڭىز قىرعىز ءتىلىن جاقسى بىلەسىزدەر. بۇل نە سوندا؟»،-دەدى تەمىر سارييەۆ مىرزا.

ءتۇيىن: قازاقستان قىرعىزستانمەن سالىستىرعاندا  ەكونوميكالىق الەۋەتى ەداۋىر ىلگەرى مەملەكەت سانالعانىمەن، ۇلتتىق قۇندىلىقتارعا، مەملەكەتتىك تىلگە دەگەن قۇرمەت ماسەلەسىندە ءبىزدىڭ دە قىرعىزداردان ۇيرەنەرىمىز كوپ.

نۇرزات توعجان