كەشە قاسيەتتى مەككە قالاسىندا قاتتى داۋىل سوعىپ، قۇرىلىس جۇرگىزىپ جاتقان كران قۇلاعان. سالدارىنان 87 ادام قازا تاۋىپ، 184ء-سى ءتۇرلى دەنە جاراتىن العان. بۇل تۋرالى «قامشى» پورتالى lifenews.ru ارناسىنا سىلتەمە جاساي وتىرىپ حابارلايدى.

ءال-حارام مەشىتىندە بولعان وقيعاعا قاتىستى ساۋد ارابياسىنىڭ الەۋمەتتىك قورعاۋ ءمينيسترى مالىمدەمە جاساعان. وندا وقيعا ورىن العان ساتتە مەشىتتە 800 مىڭنان استام قاجى بولعان جانە كۇن جۇما بولعاندىقتان قاسيەتتى قاعباعا ءتاۋ ەتۋشىلەر دە ادەتتەگىدەن كوپ بولعان.

قازىرگى ۋاقىتتا الەمنىڭ تۇكپىر-تۇكپىرىنەن قاجىلىق پارىزىن وتەۋگە مەككەگە كەلگەن شەتەلدىك ازاماتتاردىڭ قاراسى كوپ. ال قاندى وقيعادان كەيىن ءار مەملەكەتتىڭ وكىلدەرى ءوز جەردلەستەرىن تۇگەندەۋگە كىرىسىپ كەتكەن.

ق ر سىرتقى ىستەر ءمينيسترى مالىمدەگەندەي، مەككەدەگە اپاتتان قازا تاپقاندار اراسىندا قازاقستاندىقتار جوق.

ال تۇركيا سىرتقى ىستەر مينيسترلىگى قازا تاپقانداردىڭ اراسىندا 2 تۇركيا ازاماتى بار ەكەنىن جانە 19-ى جاراقات العانىن حابارلاعان.

ايتا كەتەيىك، قاسيەتتى مەككەدەگە ءال-حارام مەشىتىندە ەكى جىلدان بەرى كۇردەلى جوندەۋ جۇمىستارى جۇرگىزىلۋدە.

نۇرزات توعجان