ايوۆا شتاتىنىڭ ۋنيۆەرسيتەتىنىڭ ماماندارى(اقش) كارىلىك پەن بۇلشىقەتتەردىڭ كەمۋى پروسەسىن باياۋلاتۋ ءۇشىن كۇنىنە ءبىر الما جەۋ جەتكىلىكتى دەگەن قورىتىندى جاسادى. بۇل تۋرالى  «قامشى» پورتالى vokrugsveta.ru-كە سىلتەمە جاساي وتىرىپ  حابارلايدى.

ۋنيۆەرسيتەتتىڭ عالىمدارى قىزىقتى جاڭالىق اشتى. ولار بۇلشىق ەتتەردىڭ كەمۋىنە سەبەپ بولاتىن اقۋىزدى انىقتادى .  بۇل پروسەسس اسىرەسە، قارتايعاندا تەز ارەكەت ەتەدى. ATF4 دەپ اتالاتىن اقۋىز بۇلشىق ەت ءتىنىنىڭ دامۋىن رەتتەيتىن گەننىڭ بەلسەندىلىگىنە جاۋاپ بەرەدى. اعزاداعى ATF4 اقۋىزىنىڭ تىم ارتىق بولۋى اعزاداعى بۇلشىق ەت ءتىنىنىڭ كولەمىن قىسقارتادى.

تىشقاندارعا جاسالعان زەرتتەۋ ATF4 اقۋىزى سانىنىڭ قىسقارۋى قارتايۋدىڭ كەرى فاكتورلارىنا قارسى تۇرۋعا كومەكتەسەتىنىن كورسەتتى. بۇلشىق ەت تونۋسىن ساقتاپ تۇرۋدىڭ ەڭ قاراپايىم ءادىسى - الما قابىعىندا وتە كوپ ۋرسول قىشقىلىن قابىلداۋ. تۋرا وسىنداي ءتيىمدى اسەردى قۇرامىندا توماتيدين قوسپاسى بار توماتتار دا بەرەدى. ولار بۇلشىق ەت وسىمىنە جول بەرىپ، ولاردىڭ كۇشى مەن توزىمدىلىگىن ارتتىرادى. عالىمداردىڭ مالىمەتتەرىنشە، بۇلشىق ەتتەردىڭ كارىلىككە قارسىلاسۋى ءۇشىن كۇنىنە ءبىر الما نەمەسە جاسىل قىزاناق جەۋ جەتكىلىكتى.

«تىشقاندارعا جاساعان تاجىريبەلەرىمىز كەمىرگىشتەر بۇلشىق ەتتەرىنىڭ ماسساسىنىڭ ەكى ايدىڭ ىشىندە 10 پايىزعا، ال بۇلشىق ەتتەر كۇشىنىڭ - 30 پايىزعا ءوسىمىن كورسەتتى. ول ءۇشىن ولاردىڭ راسيونىنا 0،27 ۋرسول قىشقىلىن جانە 0،05 پايىز ءتوماتيديندى قوسۋ كەرەك»، - دەپ مالىمدەدى زەرتتەۋدىڭ جەتەكشى اۆتورى، ايوۆا ۋنيۆەرسيتەتىندەگى مەديسينا پروفەسسورى كريستوفەر ادامس.