BNews.kz سايتىنىڭ حابارلاۋىنشا، بۇگىن استانادا قازاقستان رەسپۋبليكاسىنىڭ باس پروكۋرورى داۋىلبايەۆ اسحات پەن قازاقستان ۇلتتىق ەكونوميكالىق پالاتاسى پرەزيديۋمىنىڭ ءتوراعاسىتيمۋر كۋليبايەۆ ءوزارا ىنتىماقتاستىق ارىپتەستىك جونىندەگى مەموراندۋمعا قول قويدى.

اسحات داۋىلبايەۆ مىرزا  اعىمداعى جىلدىڭ قورىتىندىسى بويىنشا، تابىسكەرلىكتى پروكۋرورلار تاراپىنان تەكسەرۋ ناتيجەسىندە بيزنەستى قورعاۋ ورىسىندە  11 مىڭعا جۋىق  ءتارتىپ بۇزۋشىلىق تىركەلگەنىن ايتتى.

"2،5 مىڭ نەگىزدەلمەگەن بيزنەس سۋبەكتىلەرىن تەكسەرۋ ورىن العان. كاسىپكەرلەردىڭ قۇقىعىنا قاتىستى  997 زاڭسىز اكتىلەرگە وزگەرتۋلەر مەن تۇزەتۋلەر ەنگىزىلدى. 13 مىڭنان استام جەكە تابىسكەرلەردىڭ قۇقىقتارى قورعالدى. 1220  زاڭسىز ارەكەت ەتۋشى تۇلعالار ءار ءتۇرلى جاۋاپكەرشىلىكتەرگە تارتىلدى. سونىمەن قاتار، بىلتىرعى جىلمەن سالىستىرعاندا، جوسپارلانباعان تەكسەرىستەردىڭ سانى 10 ەسەگە قىسقارعان،" -دەيدى  اسحات داۋىلبايەۆ.

ۇيىمداستىرۋشىلار  بۇل رەتتەلگەن ءىس-شارالاردان كەيىن تەكسەرىستەردىڭ  ەندى ءبىر جۇيەگە كەلگەندىگىن اتاپ ءوتتى. باس پروكۋراتۋرانىڭ رەفورمالانعان جۇيەسىنە بايلانىستى كەز كەلگەن زاڭسىز ارەكەتتەردى باقىلايتىن ارنايى موبيلدىك توپتار ۇيىمداستىرىلعان.

تيمۋر كۋليبايەۆ: "ءبىز ايماقتىق كاسىپكەرلەردىڭ وكىلدەر پالاتاسىن جانە جەرگىلىكتى اكىمشىلىك باسقارۋ جۇيەسىن  قۇردىق. بۇگىندە ولار ءوز جۇمىسىن باستاپ كەتتى. مەموراندۋمدا كاسىپكەرلىك ديرەكسيالارعا قاتىستى قۇقىق قورعاۋ ماسەلەسىنىڭ بارلىق پۋنكتتەرى بەكىتىلگەن،"- دەپ  باعا بەردى.

ونىڭ ايتۋىنشا، ەندىگى كەزەكتە جەكە كاسىپكەرلىكتى دامىتۋ مەن ونى ءارى قاراي ۇتىمدى جۇرگىزۋ ءتيىمدى قولعا الىندى.

ءىس-شارا بارىسىندا 2014 جىلعا ارنالعان باس پروكۋراتۋرانىڭ ق ر كاسىپكەرلەرىنىڭ ۇلتتىق پالاتاسىنا قاتىستى بىرلەسكەن جوسپار جوباسىنا دا قول قويىلدى. قۇجات قازاقستاننىڭ بارلىق ايماقتارىن قامتيدى. وندا پروكۋراتۋرا مۇشەلەرىنىڭ "سەنىم سىمتەتىكتەرى" مەن ءتۇرلى قيىندىقتاردى شەشۋگە باعىتتالعان كارتالار جاساۋ سىندى وزگە دە ماسەلەلەر قاراستىرىلدى.
qamshy.kz