كۇن كۇرت قۇبىلىپ، اۋا سالقىندايتىن بولادى. بۇل تۋرالى «قامشى» پورتالى  Tengrinews.kz-كە سىلتەمە جاساي وتىرىپ حابارلايدى.

سينوپتيكتەر 2015 جىلدىڭ 5-17 قىركۇيەگىنە ارنالعان اۋا-رايى بولجامىن جاريا ەتىپتى.

"قازگيدرومەت" رمك وكىلدەرىنىڭ ايتۋىنشا، رەسەيدىڭ ەۋروپالىق اۋماعى ايماقتارىنان انتيسيكلون الداعى ءۇش تاۋلىكتە قازاقستان ارقىلى جىلجيتىن بولادى. سوندىقتان رەسپۋبليكانىڭ كوپتەگەن وبلىستارىندا جاۋىن-شاشىنسىز اۋا-رايى كۇتىلەدى، تەمپەراتۋرا بۇرىنعىداي كليماتتىق نورمادان تومەن بولادى، سولتۇستىكتە، ورتالىقتا جانە وڭتۇستىكتە كۇن اشىلعاننان كەيىن 0، -3 گرادۋسقا دەيىن  تومەندەپ،ۇسىك ءوتۋى مۇمكىن. سونىمەن قاتار، قازاقستاننىڭ باتىسىندا كەلەسى اتموسفەرالىق فرونت اۋىسادى، ونىمەن كەي جەرلەردە جاڭبىر جاۋادى جانە قىسقا مەرزىمدى جىلۋدان كەيىن قايتادان تەمپەراتۋرانىڭ تومەندەۋى كۇتىلەدى.

ال، YK-news.kz وڭىرلىك باسىلىمىنىڭ مالىمەتىنشە، 14 قىركۇيەككە قاراعان ءتۇنى شىعىس قازاقستانداعى مارقاكول قورىعىنىڭ ايماعىندا قار ءتۇسىپتى. سينوپتيكتەر وسى وبلىستىڭ وزگە ايماقتارىندا دا قار جاۋۋى مۇمكىن دەگەندى ايتىپ وتىر. 
«قامشى» سىلتەيدى