ەلىمىزدىڭ ۇلتتىق ەكونوميكا مينيسترلىگىنىڭ ستاتيستيكا كوميتەتى 2015 جىلعى قاڭتار-شىلدەدەگى قازاقستان رەسپۋبليكاسىنىڭ دەموگرافيالىق احۋالى جايىنداعى ستاتيستيكانى جاريالادى. بۇل تۋرالى «قامشى» پورتالى حابارلايدى. كوشى-قون پوليسياسى ورگاندارىنىڭ كەلىپ-كەتۋ ستاتيستيكالىق ەسەبىن وڭدەۋ كەزىندە  2015 جىلدىڭ  قاڭتار-شىلدە  ايلارىندا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى (كوشىپ-قونۋشىلار) 2014 جىلعى قاڭتار-شىلدەمەن سالىستىرعاندا 0،2 پايىزعا ارتىپ، 9 689 ادامدى قۇراپتى. ەسەسىنە، وتانىمىزدان  كەتكەندەردىڭ سانى 7،4 پايىزعا ارتىپ، 15 615 ادامدى قۇراعان.

 كوشى-قون الماسۋى تمد مەملەكەتتەرىمەن راسىمدەلىپ  جاتقان كورىنەدى. ماماندار "تمد ەلدەرىنەن كەلگەندەردىڭ ، سول ەلدەرگە كەتكەندەردىڭ ۇلەسى،  86،4 پايىز جانە 90،1 پايىزدى قۇرايدى.» دەپ كورسەتىلگەن ستاتيستيكا مالىمەتىندە. سونىمەن قاتار، 2015 جىلعى 1 تامىزداعى مالىمەت بويىنشا ەلىمىزدەگى حالىق سانى 17 563،3 مىڭ ادامدى قۇرايدى ەكەن.