قازاقستان ينۆەستيسيا جانە دامۋ مينيسترلىگى مەن دۇنيەجۇزىلىك بانك «قازاقستاندا ەنەرگوتيىمدىلىكتى ارتتىرۋ» جوباسىنىڭ باستالعانىن حابارلادى. جوبا بويىنشا بانك قازاقستانعا 21،7 ميلليون دوللار گرانت بەرگەن. بۇل تۋرالى «قامشى» پورتالى «نۇر.كز-كە» سىلتەمە جاساي وتىرىپ حابارلايدى.

قارجى مەملەكەتتىك جانە الەۋمەتتىك نىسانداردىڭ ەنەرگوتيىمدىلىگىن ارتتىرۋعا، ينستيتۋسيالىق بازانى، ونىڭ ىشىندە ەنەرگو ۇنەمدەۋ مەن ەنەرگوتيىمدىلىكتى ارتتىرۋ سالاسىنداعى جوبالارعا جۇمسالۋى ءتيىس.

جوبا ماقساتى – مەملەكەتتىك جانە الەۋمەتتىك عيماراتتاردا ونىڭ ىشىندە مەكتەپ، بالاباقشا، اۋرۋحانا مەن كوشەدەگى جارىق بەرۋدە ەنەرگيانى ءتيىمدى پايدالانۋدى قالىپتاستىرۋ.

جوبا 2016 جىلى اتىراۋ، قىزىلوردا، ماڭعىستاۋ، قاراعاندى، پاۆلودار مەن شىعىس قازاقستان وبلىستارىندا سالىنىپ جاتقان 19 الەۋمەتتىك نىساندا (8 مەكتەپ، 11 بالاباقشا) جۇزەگە اسادى. بۇل الەۋمەتتىك نىسانداردى سالۋ كەزىندە جىلۋ جانە جارىق بەرۋ جۇيەلەرى اۋىستىرىلادى.