الماتى. قامشى پورتالى - بيزنەسمەندەردىڭ قۇقىعىن قورعايتىن ماڭعىستاۋ وبلىسى كاسىپكەرلەر پالاتاسى ماماندارىنىڭ كومەگىمەن كاسىپكەرلەردىڭ 5 ملن. تەڭگەدەن استام قارجىسى قالتاسىندا قالدى. ولار سالىق ورگاندارىنىڭ قاتە ەسەپتەلگەن سالىقتارى مەن باسقا دا تالاپتارىن كەرى قايتارعان.

«جەرگىلىكتى كاسىپكەرلەردىڭ پايداسىنا 5 ملن. 278 مىڭ تەڭگەدەن استام سالىق ورگاندارىنىڭ قاتە ەسەپتەلگەن سالىقتارى مەن باسقا دا تالاپتارى كەرى قايتارىلدى. پالاتاعا كاسىپكەرلەردەن 180-گە جۋىق ءوتىنىش كەلىپ تۇسكەن، سونىڭ ىشىندە 75ء-ى ولاردىڭ قۇقىقتارىنىڭ قورعالۋىنا قاتىستى بولىپ وتىر. جالپى سومانىڭ ىشىندە 150-گە جۋىق ءوتىنىش وڭ شەشىمىن تاپقان، ولار بويىنشا تۇسىنىكتەمەلەر الىندى، ماسەلە جابىلدى. وبلىستىڭ مەملەكەتتىك ورگاندارىنا 62 حات جولداندى، 37 ارىز ءوتىنىش، اپەللياسيالىق، كاسساسيالىق جانە قاداعالاۋ شاعىمدارى، وزگە دە وتىنىشتەر مەن قولداۋحاتتار  جولدانعان. پالاتانىڭ ساراپشىلارى 13 سوت تالقىلاۋىنا قاتىسىپ، وندا كاسىپكەرلىك سۋبەكتىلەرىنىڭ قۇقىقتارى مەن زاڭدى مۇددەلەرىن قورعاعان"، - دەپ اتاپ ءوتتى ماڭعىستاۋ وبلىسى كاسىپكەرلەر پالاتاسىنىڭ قۇقىق ماسەلەلەرى بويىنشا ديرەتورىنىڭ ورىنباسارى تالعات نوعايەۆ.

سونداي-اق، نوعايەۆتىڭ ايتۋىنشا، كاسىپكەرلەردىڭ قۇقىقتارىن قورعاۋ كەڭەسى 3 وتىرىس وتكىزىپ، كاسىپكەرلەردىڭ جەرگىلىكتى اتقارۋشى ورگانداردىڭ ارەكەتتەرىنە شاعىم بىلدىرگەن 16 ءوتىنىشىن قاراستىرعان. اكىمشىلىك كەدەرگىلەردى تومەندەتۋ ءبولىمىنىڭ ساراپشىلارى جەرگىلىكتى اتقارۋشى ورگاندارىنىڭ نورماتيۆتىك-قۇقىقتىق اكتىلەرىنىڭ (نقا) جوبالارىنا 59 ساراپشىلىق قورىتىندى دايىندالعان. نقا-نىڭ 9 جوباسى بويىنشا پالاتا ماماندارى ەسكەرتۋ جاساپ، وعان جەرگىلىكتى اتقارۋشى ورگاندار كەلىسەتىندىكتەرىن ءبىلدىردى. 

دەرەككوزى: قازاقپارات