شىمكەنت قالالىق ءماسليحاتىنىڭ دەپۋتاتى جامبىل قالاۋوۆ بەلارۋس پرەزيدەنتى الەكساندر لۋكاشەنكونىڭ ۆيدەوسىن تاراتقانى ءۇشىن "نۇر وتان" پارتياسىنان شىعىپ قالدى. بۇل تۋرالى «قامشى» پورتالى tengrinews.kz-كە سىلتەمە جاساي وتىرىپ حابارلايدى.
مۇندا ماسەلە 2014 جىلدىڭ قاراشا ايىندا جاريا بولعان ۆيدەو جايلى بولىپ وتىر. ۆيدەودا لۋكاشەنكو ءوز ۇكىمەتى مەن ۇلتتىق بانككە بەلارۋستە بەنزين باعاسىن قولدان كوتەرۋگە جول بەرمەيتىنىن مالىمدەيدى.
جامبىل قالاۋوۆ لۋكاشەنكونىڭ ۆيدەوسىن ءوزىنىڭ پارتيالاستارىنا كورسەتكىسى كەلەدى. الايدا پارتياداعى ارىپتەستەرى ونىڭ ويىنا قارسى شىققان. حالىق قالاۋلىسىن ۇكىمەتتى قۇلاتۋعا ۇندەدى دەپ ايىپتاپ، پارتيا بيلەتىنىن، سونىمەن قاتار، مانداتىنان ايىرىپ تىنعان.
"ءوزىن اقتاۋ ءۇشىن ول iPhone سمارتوفونىنىڭ كومەكشىسىندە قالىپ قويعانىن ايتادى. "مەن ءوز كومەكشىمدى جازالادىم. ول iPhone ارقىلى مەنىڭ اتىمنان سويلەگەن" دەگەندى ايتادى. مەن ماسەلەن ءوز iPhone-ىملى بىرەۋگە بەرمەيمىن، سەبەبى بۇل قىمبات تەلەفون عوي، ءيا؟"، - دەيدىد وقو ءماسليحات دەپۋتاتى ءومىرزاق مەلدەحانوۆ.
