بيىل 1،2 ملن ادام جۇمىسپەن قامتىلادى. بۇل تۋرالى پرەمەر-مينيستر اسقار مامين ۇكىمەتتىڭ كەڭەيتىلگەن وتىرىسىندا ايتتى.
– حالىقتى جۇمىسپەن قامتۋ جانە كىرىسىن قامتاماسىز ەتۋ – ۇكىمەت جۇمىسىنىڭ باستى باسىمدىعى. حالىقتى جۇمىسپەن قامتۋعا جاردەمدەسۋ ماقساتىندا "ەڭبەك" باعدارلاماسى، جۇمىسپەن قامتۋ جول كارتاسى، «نۇرلى جەر»، «نۇرلى جول» جانە جەكە باستامالار دا بەلسەندى جۇزەگە اسىرىلىپ جاتىر. تولىقتاي العاندا بيىل جۇمىسپەن قامتۋ ىس-شارالارىمەن 1،2 ملن ادام قامتىلادى، – دەدى اسقار مامين ۇكىمەتتىڭ كەڭەيتىلگەن وتىرىسىندا.
– 2021 جىلدىڭ 1 ماۋسىمىنداعى دەرەكتەرگە سايكەس، «ەڭبەك» باعدارلاماسى اياسىندا 210 مىڭ ادام جۇمىسپەن قامتىلدى. ونىڭ ىشىندە 107 مىڭ ادام تۇراقتى جۇمىسقا ورنالاستى. جۇمىسپەن قامتۋ جول كارتاسى اياسىندا 41 مىڭ ادام، ونىڭ ىشىندە 28 مىڭ ادام تۇراقتى جۇمىسقا تۇردى.
«نۇرلى جەر» «نۇرلى جول» باعدارلامالارىن جۇزەگە اسىرۋ شامامەن 250 مىڭ ادامعا، ونىڭ ىشىندە 124 مىڭ ادامعا تۇراقتى جۇمىس ورنىن قۇرۋعا مۇمكىندىك بەردى، – دەدى پرەمەر-مينيستر.
پىكىر قالدىرۋ