قازاقستاندىق دزيۋدوشى ەرلان سەرىكجانوۆ وليمپياداداعى جارىس جولىنان شىعىپ قالدى، دەپ حابارلادى Olympic.kz سايتى.
66 كەلىگە دەيىنگى سالماق دارەجەسىندەگى پالۋان ەكىنشى اينالىمدا يتاليالىق مانۋەل لومباردومەن كەزدەستى. جەكپە-جەك يتاليالىق دزيۋدوشىنىڭ جەڭىسىمەن اياقتالدى.
وسىلايشا، ەرلان سەرىكجانوۆ توكيو-2020 وليمپياداسىنداعى جارىسىن توقتاتتى.
كەشە دزيۋدودان قازاقستان كومانداسىنىڭ ۇزدىگى ەلدوس سمەتوۆ توكيو وليمپياداسىنىڭ قولا جۇلدەگەرى اتانعان.
60 كەلى سالماقتا سىنعا تۇسكەن ەلدوس كىشى فينالدا نيدەرلاند وكىلى تورنيكە ساكادجوەنى جەڭدى. جەڭىمپاز قوسىمشا ۋاقىتتا انىقتالىپ، ەلدوس "ۆاززاري" ۇپايىن يەلەندى.
پىكىر قالدىرۋ