پاۆلودار وبلىسىندا جىگىتىنىڭ ادام ولتىرگەنىن جاسىرعان قىز ۇستالدى، – دەپ حابارلادى Polisia.kz سايتى.

پاۆلودار وبلىسى ۋسپەن اۋدانى پوليسيا ءبولىمىنىڭ قىزمەتكەرلەرى 30 جاستاعى اۋىل تۇرعىنىنا قاتىستى ءىستى تەرگەپ جاتىر.

– ماۋسىم ايىنىڭ سوڭىندا ۋسپەن اۋدانىنىڭ قوزىكەتكەن اۋىلىندا 22 جاستاعى جەرگىلىكتى تۇرعىن جانجالدان كەيىن تانىسىنا پىشاق جاراقاتىن سالىپ، سالدارىنان ول وقيعا ورنىندا كوز جۇمعان. اۋىل تۇرعىنى قىلمىستىڭ كۋاگەرى بولعان، ءبىراق پوليسياعا بولعان وقيعا تۋرالى حابارلاۋدىڭ ورنىنا، زاتتاي دالەلدەمەلەردەن ارىلۋعا تىرىسقان، – دەدى پاۆلودار وبلىسى پوليسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.

قىز قىلمىس قۇرالى – پىشاقتى جۋىپ، جاسىردى، سونىمەن بىرگە مارقۇمنىڭ زاتتارىن جۋدى دەگەن كۇدىككە ءىلىنىپ وتىر.

– وسىدان كەيىن تۇرعىندار وقيعا ورنىنان كەتىپ، باقشاعا تىعىلعان. ولار جازادان جاسىرىنۋ ءۇشىن اۋداننان كەتۋدى جوسپارلاعان، ءبىراق جوسپارلارى جۇزەگە اسپادى. بىرنەشە ساعاتتان كەيىن پوليسيا ۇستادى، – دەپ تولىقتىردى  ج. قايىروۆ.

قىلمىس جاساعان كۇدىكتىگە قاتىستى قازاقستان رەسپۋبليكاسى قىلمىستىق كودەكسىنىڭ 106-بابىنىڭ 3-بولىگى (ابايسىزدا ءجابiرلەنۋشiنiڭ ولىمىنە اكەپ سوققان نە قىلمىستىق توپ جاساعان ىس-ارەكەت) بويىنشا سوتقا دەيىنگى تەرگەۋ جۇرگىزىلۋدە.

وسى قىلمىستى جاسىرعان ونىڭ سۇيىكتىسىنە قاتىستى قازاقستان رەسپۋبليكاسى قىلمىستىق كودەكسىنىڭ 432-بابى (قىلمىستى جاسىرىپ قالۋ) بويىنشا سوتقا دەيىنگى تەرگەۋ باستالدى.