شىمكەنت قالاسىندا بيىل 30-شىلدە كۇنى «اسار» شاعىناۋدانىنداعى بالالار اۋرۋحاناسىنا جەدەل جاردەم قىزمەتىمەن بەس جاسار بالا اۋىر حالدە جەتكىزىلگەن. دەنساۋلىعى سىر بەرگەن بالاقايدى دارىگەرلەر جانساقتاۋ بولىمىنە شۇعىل جاتقىزىپ، تەكسەرۋ جۇمىستارىن جۇرگىزگەن.
ناۋقاس بالادان الىنعان سىناما ناتيجەسىندە كاۆاساكي تارىزدەس سيندروم انىقتالعان. ءقاۋىپتى ىندەت انىقتالعان بالاقايدىڭ جاعدايى العاشقى ءۇش كۇندە ناشارلاپ كەتكەن. تەك ءتورتىنشى تاۋلىكتە عانا ناۋقاس بالانىڭ جاعدايى جاقساردى.
ەمدەۋ شارالارىمەن قاتار ماماندار ينفەكسياعا شالدىققان بالانىڭ اعزاسىنداعى وزگەرىستەردى دەر كەزىندە انىقتاپ، ومىرىنە تونگەن ءقاۋىپتىڭ الدىن الدى.
